Жорий йилнинг 10 октябр куни Тошкент давлат иқтисодиёт университетида «Банкларни трансформация қилиш ва банк хизматлари бозорида рақобатни ривожлантириш йўналишлари» мавзусида халқаро илмий-амалий конференция ўтказилди.
Унда «Микрокредитбанк» АТБ вакиллари ҳам иштирок этишиб, конференция қатнашчилари учун банк фаолиятини трансформация қилиш ҳамда банкни ривожлантириш стратегияси доирасида амалга оширилаётган ишлар ва келгусидаги режалар тўғрисида тақдимот ўтказишди.
Шунингдек, тадбир давомида иштирокчиларга банкни ривожлантириш стратегиясини амалга ошириш давомида эришилган натижалар, халқаро аудиторлик ва консалтинг компаниялар билан ҳамкорликда қилинган ишлар, банк хизматлари бозорини ривожлантиришда хориж тажрибасидан кенг фойдаланиш, хизматлар сифатини янада ошириш, бизнес жараёнларни рақамлаштириш ва трансформация йўнлишларидаги лойиҳалар тўғрисида ҳам маълумотлар берилди.Самимий мулоқот тарзида ўтган конференцияда тадбир иштирокчилари ва талабалар ўзларини қизиқтирган саволларга жавоб олишди.
Таъкидлаш керакки, мазкур халқаро конференциянинг асосий мақсади – давлат улуши мавжуд тижорат банкларини комплекс трансформация қилиш ва хусусийлаштириш, банк инфратузилмасини янада яхшилаш, банк хизматлари кўрсатиш сифатини ошириш ҳамда банк хизматлари бозорида рақобатни ривожлантириш бўйича илмий-амалий асосланган таклиф ва тавсиялар ишлаб чиқиш ҳисобланади.
Банк Ахборот хизматi
Яна кўринг
“Камбағаллик билан ишлаш бўйича” мутлақо янги тизим жорий қилинади!
Янги ўқув йили — янги орзулар ва катта мақсадларнинг бошланиши!
Тадбирда сўзга чиққан М.Авазов барча ўқувчиларни, айниқса, мактаб остонасига илк бор қадам қўйган 1-синф ўқувчиларини янги ўқув йили билан табриклаб, уларга омад ва зафарлар тилади.
МКБАНК ходимлари юксак мукофот билан тақдирланди!
Банк Бошқарув Раиси эсдалик нишонларни ўз эгаларига топшираркан, уларнинг юртимиз равнақи ва тараққиёти ҳамда банк ривожига қўшаётган муносиб ҳиссаларини алоҳида эътироф этди.
