Самарқанд яна бир бор бутун дунёни ўзига қаратди. Ҳа, 8–9 ноябрь кунлари боқий шаҳарда ўтган “Samarkand Marathon – 2025” — йилнинг энг ёрқин спорт воқеаларидан бирига айланди. Еттинчи бор ўтказилаётган мазкур халқаро фестиваль югуриш ва атроф-муҳитга бўлган эътиборни бир бутунликда уйғунлаштиришга ҳам хизмат қилди.
Энг қувонарлиси, МКБАНК жамоаси ҳам марафонда фаол қатнашиб, банкимиз шарафини муносиб ҳимоя қилди. Ходимларимизнинг ҳар бир қадами — соғлом ҳаёт, жамоавий бирдамлик ва ижобий ўзгаришлар сари ташланган қадамдир!
Иштирокчилар Регистон майдони ва Бибихоним масжиди каби тарихий обидалар орқали югуришди. Бу эса югуриш, тарих ва экологияни бир нуқтада бирлаштирди.
Тадбирда плоггинг ҳаракати асосчиси — швед экологик фаоли Эрик Аҳлстром иштирок этиб, шундай деди: “Плоггинг орқали биз сайёрамизни келажак авлод учун тоза сақлай оламиз!”
Юқоридаги суратларда МКБАНК жамоасининг марафондаги унутилмас лаҳзаларини жамладик.
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
