Ўзбекистон Маданият ва санъатни ривожлантириш жамғармаси ташаббуси билан Самарқанд шаҳрида 2-3-ноябрь кунлари “Samarkand Marathon” халқаро хайрия пойгаси ўтказилди.
6-бор ўтказилаётган марафонда 40 га яқин давлатдан уч минг нафардан зиёд иштирокчи 2, 5, 10, 21 ва 42 километр масофани босиб ўтиш учун ўзаро беллашишди.
Мазкур марафонда МКБAНК жамоаси ҳам муносиб иштирок етди.
Унда спортчилар шаҳарнинг марказий кўчалари ва тарихий обидаларини айланиб югуришди. Старт ва марра чизиғи Регистон майдони бўлди.
Марафонда турли ёш тоифасида ва имконияти чекланган фуқаролар ўртасида ҳам ғолиблар аниқланиб, уларга пул мукофоти ва эсдалик совғалари топширилди.
“Samarkand Marathon” хайрия югуриш мусобақалари туркуми мамлакатимиздаги маданият ва санъат масканларида ҳамма учун баробар тенг муҳит яратиш, соғлом турмуш тарзини тарғиб этиш ҳамда спорт сайёҳлигини ривожлантириш вазифаларига ечим топишда жамоатчилик эътиборини жалб қилишга кўмаклашади.
Банк Aхборот хизмати
Яна кўринг
Қувада боғдорчиликнинг янги даври: “Quva Agrostar” инновацион кўчатхонаси бўйлаб пресс-тур
