Мамлакатни дунёга тез танитадиган соҳа, бу — спорт. Спорт миллат ва ирқ танламайди, у барчани ўз атрофида бирлаштиради. Спорт нафақат аҳоли саломатлигини мустаҳкамлайди, балки соғлом авлодни тарбиялашнинг асосий мезонларидан бири саналади. Шу боисдан ҳам юртимизда спортга бўлган эътибор кучаймоқда.
Хабарингиз бор, юртимизда аҳолининг барча қатламлари ўртасида жисмоний тарбия ва спортни оммалаштириш орқали уларнинг жисмоний қобилияти ва ҳаракат фаоллигини такомиллаштириш, меҳнатга лаёқатини ошириш ва соғлом турмуш тарзи кўникмаларини шакллантириш мақсадида спорт синовлари ташкил этилди.
Унда бошқа ташкилотлар қатори Марказий банк ва тижорат банкларининг бир гуруҳ ходимлари ҳам фаол иштирок этди ҳамда ғолибликни қўлга киритди.
Жумладан, спорт синовларига ходимларни кенг жалб этиш ҳамда улар томонидан қайд этилган натижалар борасида фаоллик кўрсатганлиги учун Спорт вазирининг тегишли буйруғига мувофиқ “Микрокредитбанк” акциядорлик-тижорат банки Бошқарув раиси ўринбосари - Ибрагимова Шахло Алимбаевна “Жисмоний тарбия ва спорт аълочиси” кўкрак нишони билан тақдирланди.
Ушбу ютуқ билан Шахло Алимбаевнани чин дилдан табриклаймиз ва келгусида ҳам соғлом турмуш тарзини тарғиб қилиш борасидаги ишларингизда улкан омадлар тилаймиз!
Банк Ахборот хизмати
Яна кўринг
