"Микрокредитбанк" АТБ халқаро ҳамкорликни фаол кенгайтириш мақсадида, Ташқи иқтисодий фаолиятни ривожлантириш стратегияси доирасида банк АҚШ долларида дунёдаги энг йирик молия институтларидан бири - Тҳе Банк оф Неw Ёрк Меллон (БНЙ Меллон) билан корреспондентлик алоқаларини ўрнатди.
Тҳе Банк оф Неw Ёрк Меллон 1784-йилда ташкил этилган бўлиб, активларни бошқариш, молиявий хизматлар ва қимматли қоғозлар билан операцияларга ихтисослашган дунёдаги етакчи банклардан биридир.
Ушбу ҳамкорлик "Микрокредитбанк" АТБга халқаро ҳисоб-китоблар кўламини кенгайтириш, мижозларга хизмат кўрсатиш сифатини ошириш ва трансчегаравий тўловларни АҚШ долларида тўлашни соддалаштириш, шунингдек, ғазначилик операцияларини (масалан, овернигҳт депосит) амалга ошириш имкониятини беради.
The Bank of New York Mellon билан ҳамкорлик Микрокредитбанкнинг мижозлар учун юқори даражадаги ишончлилигини ва банк хизматлари соҳасидаги халқаро стандартларга мувофиқлигини тасдиқлайди. Ушбу қадам, шунингдек, банкнинг халқаро молия бозоридаги мавқеини мустаҳкамлаш ва дунёнинг энг йирик молия институтлари билан ҳамкорлик алоқаларини ривожлантиришга хизмат қилади.
МКБАНК ўз мижозлари учун янги ҳамкорларни жалб қилиш ва иш шароитларини яхшилаш орқали халқаро ҳамкорликни янада ривожлантириш ниятида.
Банк Ахборот хизмати
Яна кўринг
Тарихий қадам: MIGA кафолати остида халқаро инвестицияларни жалб қилинди
