“Микрокредитбанк” АТБ халқаро молиявий ҳамкорлик соҳасида навбатдаги муҳим ютуққа эришди. Банк Қозоғистоннинг етакчи молия институтлари — “Қозоғистон Халқ банки” АЖ ва “Алтйн Банк” АЖ билан синдикат битими доирасида умумий қиймати 15 миллион АҚШ доллари миқдоридаги молиявий ресурсларни муваффақиятли жалб этди.
Та’кидлаш керакки, ушбу клуб молиялаштириш битими хорижий молиявий институтлар томонидан “Микрокредитбанк” АТБга бўлган юқори даражадаги ишончни яна бир бор тасдиқлайди.
Асосий мақсад — банк мижозларининг ташқи савдо битимларини молиялаштириш, уларнинг экспорт-импорт фаолиятини қўллаб-қувватлаш ва бу орқали халқаро савдо айланмасини кенгайтиришдан иборат.
Жалб қилинган маблағлар қандай мақсадларда ишлатилади?
Мазкур молиявий ресурслар асосан "Микрокредитбанк" мижозлари, я’ни тадбиркорлик субектларини халқаро савдо фаолиятида қўллаб-қувватлашга йўналтирилади. Жумладан, хориждан товар сотиб олиш ёки маҳсулотларни чет элга экспорт қилиш бўйича тузилаётган битимларни молиялаштириш учун зарур бўлган маблағлар билан та’минлаш кўзда тутилган.
Асосийси, ушбу ресурслар бевосита кичик ва ўрта бизнес вакилларининг тадбиркорлигини қўллаб-қувватлашга хизмат қилади ҳамда уларнинг халқаро бозорга чиқишда ишончли ва қулай молиявий кўмакка эга бўлишларига имкон яратади.
Микрокредитбанк ушбу йўналишда фойдали ва мослаштирилган молиявий хизматлар орқали мамлакат ташқи савдо салоҳиятининг ошишига ҳисса қўшишда давом этади.
Банк Ахборот хизмати
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
