Театр ҳар бир даврда, ҳаётий сабоқлар берувчи жонли восита ҳисобланган. Инсон маънавияти юксалишида ҳам унинг ўрни бўлакча. Шунинг учун бўлса керак, театрни ибратхонага қиёслашади. Бу ерда намойиш этиладиган ҳар бир саҳна асари тарбиявий аҳамиятга эга. Қолаверса, театр инсон маънавияти, маданиятини бойитади, эстетик завқ беради. Санъат ана шундай қудратли кучга эга.
“Микрокредитбанк” АТБ томонидан “Театр — ибратхонадир” дастури доирасида банкнинг Бош офиси, ҳудудий бошқармалари, БХМ ва БХОларда фаолият юритаётган ходимлар ҳамда уларнинг оила аъзолари учун театрларга саёҳатлар ташкил этилмоқда.
Жумладан, ноябрь ойида Фарғона ва Тошкент вилояти ҳудудий бошқармаси ходимлари ҳамда уларнинг фарзандлари учун театрларга ташрифлар амалга оширилди.
Ходимлар Фарғона давлат қўғирчоқ театрида “Сеҳрли туш”, Ўзбекистон давлат драма театрида “Ромео ва Жулетта” спектаклларини томоша қилишди.
Ходимлар ва уларнинг фарзандлари спектаклларни зўр қизиқиш билан томоша қилишди. Бу ташриф барчада катта таассурот уйғотди.
- Театрга келиб, спектаклни жонли томоша қилиш, актёрларнинг жонли ижросидан баҳраманд бўлиш инсонга бошқача кайфият беради. Спектакль давомида ўзимни ўша муҳитга тушиб қолгандек ҳис қилдим. Айниқса, Ромео ва Жулеттанинг заҳар ичиш саҳнасини кўриб кўзимга ёш келди, дейди ходимлардан бири.
Албатта, бундай таассуротлар уларни театрга бўлган меҳрларини янада юксалтиришига ишонамиз.
МКБАНК ходимларни қўллаб-қувватлаш, айниқса, уларнинг маънавий ҳордиқ олиши учун шароит яратиш мақсадида миллий ватанпарварлик ва умуминсоний қадриятларни тарғиб қилувчи театр, кино, музей ва концертларга ташрифларни ташкил қилишда давом этади.
Банк Ахборот хизмати
Яна кўринг
МУРОЖААТЛАР ОРТИДА ИНСОН МАНФААТЛАРИ БОР
Ромитан туманида тадбиркорлар билан очиқ мулоқот ўтказилди!
Музработда банк хизматлари ярмаркаси ташкил этилди
Шунингдек, ёшлар ва аҳоли вакилларининг саволларига мутахассислар томонидан батафсил жавоб берилиб, мавжуд имкониятлардан фойдаланиш тартиби юзасидан зарур тавсиялар берилди.
