Ўзбекистон Республикаси Президентининг 2024 йил 22 ноябрдаги “Театрларнинг жамият маданий ҳаётидаги аҳамиятини ошириш ва уларнинг фаолиятини янада қўллаб-қувватлаш чора-тадбирлари тўғрисида”ги қарори ижросини таъминлаш мақсадида, “Микрокредитбанк” АТБ томонидан ходимлар ҳамда уларнинг оила аъзолари учун театрларга ташрифлар амалга оширилиб келинмоқда.
Жорий йилнинг 27-сентябрь санасида Самарқанд вилоят мусиқали драма театрида Маҳмудхўжа Беҳбудий ҳаёти ва ижодига бағишланган спектакль, Бердақ номидаги Қорақалпоқ давлат академик мусиқали театрида “Ана” спектакли, Бухоро давлат мусиқали драма театрида эса “Бухорога саёҳат” спектакллари томошасига Қорақалпоғистон Республикаси, Бухоро ва Самарқанд вилоятларидаги ҳудудий бошқармалар, БХО ва БХМларнинг 100 нафар ходимлари ҳамда уларнинг оила аъзолари ташриф буюриб, дам олиш кунларини мазмунли ўтказишди.
Театр — бу ибрат мактаби. Унда инсон нафақат маънавий озуқа олади, балки дунёқараши ҳам кенгаяди. Саҳнада намоён этилган қаҳрамонлар образи, уларнинг ҳиссиёт ва руҳий кечинмалари орқали ҳаётга бошқача нуқтаи назардан қараш имконияти туғилади. Бир муддат бўлса-да, кундалик ташвишлар унутилади ва томошабинлар саҳна оламига шўнғиб кетади.
“Микрокредитбанк”АТБда бу каби маънавий тадбирлар тизимли равишда давом эттирилади. Октабр ойи давомида ҳам банкнинг бошқа ҳудудий бўлимлари ходимлари учун театр спектаклларига ташрифлар ташкил этилиши режалаштирилган.
Банк Ахборот хизмати
Яна кўринг
“Камбағаллик билан ишлаш бўйича” мутлақо янги тизим жорий қилинади!
Янги ўқув йили — янги орзулар ва катта мақсадларнинг бошланиши!
Тадбирда сўзга чиққан М.Авазов барча ўқувчиларни, айниқса, мактаб остонасига илк бор қадам қўйган 1-синф ўқувчиларини янги ўқув йили билан табриклаб, уларга омад ва зафарлар тилади.
МКБАНК ходимлари юксак мукофот билан тақдирланди!
Банк Бошқарув Раиси эсдалик нишонларни ўз эгаларига топшираркан, уларнинг юртимиз равнақи ва тараққиёти ҳамда банк ривожига қўшаётган муносиб ҳиссаларини алоҳида эътироф этди.
