Хабарингиз бор, «Умумжаҳон Пул ҳафталиги» (Global money week) доирасида МКБАНК ҳам республикамизнинг турли ҳудудларидаги таълим муассасаларида молиявий саводхонлик ва молиявий хавфсизлик бўйича қатор интерактив учрашувларни ўтказиб келмоқда.
Жорий йилда ҳам банк мутахассислари томонидан 9 та вилоят – Бухоро, Фарғона, Жиззах, Самарқанд, Навоий, Қашқадарё, Сирдарё, Хоразм ва Қорақалпоғистон Республикасидаги мактабларда, шунингдек, Урганч давлат университети ва Навоий профи университетида молиявий хавфсизлик, яъни пул жамғариш маданиятини шакллантириш, банкларга бўлган ишончни ошириш, рақамли банк хизматларидан фойдаланиш бўйича кўникмаларни шакллантириш ҳақида маҳорат дарслари ташкил этилди.
Қизиқарли ва мунозараларга бой бўлган мазкур дарсларда фаол иштирок этиб, ўз молиявий билимларини оширганларга банкимизнинг эсдалик совғалари топширилди.
Маълумот учун, «Умумжаҳон Пул ҳафталиги» (Global money week) тадбирлари Иқтисодий ҳамкорлик ва тараққиёт ташкилоти (OECD) ташкилотчилигида дунёнинг 170 дан ортиқ мамлакатида, жумладан, Ўзбекистонда ҳам ўтказиб келинмоқда.
Яна кўринг
Тарихий қадам: MIGA кафолати остида халқаро инвестицияларни жалб қилинди
