Тилшунос олимлар инсон ҳаёти учун сув ва ҳаво қанчалик зарур бўлса, сўз ҳам шундай улуғ мақомга эгалигини доимо эътироф этишади. Сўз тирик жон янглиғ илоҳий неъмат, унга ёлғон, сохталик аралашса, таъсир кучи ва жозибасини йўқотади.
Тил — миллат кўзгуси. Дарҳақиқат, тили ривожланмаган элнинг руҳида юксалиш бўлмайди, у ўзлигидан, миллийлигидан тобора узоқлашаверади. Миллий тил худди байроқ, мадҳия, герб каби қадрли ва азиз. Унда ҳар бир миллатнинг руҳи, дунёқараши акс этади. Шу боис ҳам она тилимизни улуғлаш, унинг борлигини-да бир неъмат билиб, байрам сифатида нишонлаш ҳар бир миллат вакили учун фарздир.
Биламизки, 2019 йил 21 октябрь куни Давлатимиз раҳбари «Ўзбек тилининг давлат тили сифатидаги нуфузи ва мавқеини тубдан ошириш чора-тадбирлари тўғрисида»ги Фармонни имзолади. 2020 йил 10 апрелда эса Давлатимиз раҳбари томонидан «Ўзбек тили байрами кунини белгилаш тўғрисида»ги Ўзбекистон Республикасининг Қонуни имзоланиб, 21 октябрь Ўзбек тили байрами куни этиб белгиланди.
Ўзбек тилига давлат тили мақоми берилганлигининг 33 йиллиги ҳамда 21 октябрь — Ўзбек тили байрами куни муносабати билан бугун “Микрокредитбанк” АТБда ҳам маърифий-маданий тадбир ўтказилди.
Тадбирда филология фанлари бўйича фалсафа доктори, Сенат бош маслаҳатчиси, Ёзувчилар уюшмаси аъзоси, шоир, “Ўзбекистон белгиси” кўкрак нишони соҳиби Азизбек Турдиев, Ўзбекистонда хизмат кўрсатган маданият ходими, "Шуҳрат" медали, "Маданият ва санъат фидокори" кўкрак нишони соҳибаси, “Саодат” журналининг Бош муҳаррири, шоира Мунаввара Усмонова ва Ўзбекистонда хизмат кўрсатган маданият ходими, “Шуҳрат” медали соҳибаси, шоира, “Саодат” журналининг муҳаррир ўринбосари Қутлибека Раҳимбоевалар иштирок этишиб, улар билан тилимизнинг бугунги ютуқ ва бу йўлда амалга оширилаётган ишлар ҳақида фикр алмашилди.
Айниқса, меҳмонларнинг тилимизни асраш ва унинг бугунги мавқеи ҳақидаги ҳаётий мисоллари, шеър ва маърузалари банк ходимларининг бу борадаги билимлари кенгайишида фойдали бўлди. Савол-жавобларга бой ўтган мазкур тадбир барчада катта таассурот қолдирди.
Шундан сўнг банк ходимлари ўртасида ташкил этилган танлов ғолибларига ўз совғалари топширилди.
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
