1-октябрь – Устоз ва мураббийлар куни муносабати билан МКБАНК бош офисида байрам тадбири ташкил этилди.
Тадбирда банк Бошқарув раиси ўринбосари И.Джуманиязов иштирок этиб, тизимда меҳнат қилиб келаётган устозларимизни байрам билан табриклади.
Қувонарлиси, банкда узоқ йиллар ҳалол меҳнат қилиб, кўпнинг эътиборини қозонган, ёшларга ҳар жиҳатдан ўрнак бўлиб келаётган фидойи ходимларнинг меҳнатлари алоҳида эътироф этилди ва эсдалик совғалари топоширилди.
Дарҳақиқат, минглаб мурғак қалбларга оқу-қорани танитадиган, эзгулик ёғдусини бахш этадиган, келажакка тийрак нигоҳ ташлашга ўргатадиган, ёшлар қалбида эртанги кунга қатъий ишонч уйғотадиган, шогирдлари учун ҳаётнинг аччиқ-чучук синовларида доимо ёрдамга шай турадиган ўқитувчи ва мураббийлар меҳнатининг ўлчови, қиёси йўқ.
МКБАНК жамоаси барчангизни касб байрамингиз билан самимий муборакбод этади, меҳрибон устозлар!
Банк Ахборот хизмати
Яна кўринг
Қувада боғдорчиликнинг янги даври: “Quva Agrostar” инновацион кўчатхонаси бўйлаб пресс-тур
