“Микрокредитбанк” АТБда Германиянинг “Спаркассенстифтунг фор Интернатионал Cооператион” ташкилоти ва Ландесбанк Ҳессен-Тҳüринген (Ҳелаба) молия институти эксперти Ёханн Блаверт билан расмий учрашув бўлиб ўтди.
Учрашувда микромолия соҳасидаги халқаро тенденсиялар, молиявий саводхонликни оширишга қаратилган лойиҳаларни Ўзбекистонда жорий этиш имкониятлари муҳокама қилинди.
Германия шпаркассаларининг:
• кредитлар ажратиш тажрибаси,
• уларни мониторинг қилиш ва рискларни бошқариш усуллари,
• банк ходимлари учун малака ошириш дастурлари бўйича ҳамкорлик қилиш масалалари кўриб чиқилди.
МКБАНК таклифига асосан кредит рискларини самарали бошқариш юзасидан филиаллар ходимлари учун амалий семинарлар, махсус ўқув курслари ташкил этиш ва ривожланган давлатлар тажрибасини ўрганиш бўйича режалар белгилаб олинди.
Учрашув якунида томонлар ўзаро ҳамкорликни чуқурлаштириш ва амалиётга йўналтирилган лойиҳаларни биргаликда амалга ошириш юзасидан келишиб олдилар.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
