Китоб нафақат инсон тафаккурини ўстирувчи манба, балки янги имкониятлар сари эшик очувчи маънавий йўлбошчидир.
Жорий йилнинг 30 март куни Банк ходимлари ўртасида “Китоб ўқиш соати” лойиҳаси доирасида маърифий тадбир ўтказилди.
Мазкур тадбир Ўзбекистон Республикаси Президентининг 2026 йил 15 январдаги ПҚ-9-сонли “Китобхонлик маданиятини ривожлантириш ва аҳоли ўртасида китоб ўқишга қизиқишни ошириш чора-тадбирлари тўғрисида”ги Қарори ҳамда 2026 йил 5 февралдаги “Буюк давлат арбоби ва саркарда, илм-фан, маданият ва санъат ҳомийси Соҳибқирон Амир Темур таваллудининг 690 йиллигини кенг нишонлаш тўғрисида”ги ПҚ-46-сонли Қарори ижросини таъминлаш мақсадида ташкил этилди.
“Китоб ўқиш соати” учун банкда Соҳибқирон Амир Темур таваллудининг 690 йиллигини кенг нишонлашнинг дебончаси сифатида Амир Темурнинг “Темур тузуклари” китоби танланди.
1 соат давомида ходимлар “Темур тузуклари” китобини ўқиш билан бирга ўз ақлий билимларини ҳам синаш имконига эга бўлишди. Яъни китоб асосида савол-жавоб ташкил этилиб, саволларга биринчи бўлиб тўғри жавоб берганларга эсдалик совғалари тақдим этилди.
Шунингдек, бу каби маънавий-маърифий соатларни мунтазам ташкил этиш ҳамда келгуси “Китоб ўқиш соати” учун китоб тавсиялари тингланди.
Таъкидлаш керакки, тадбирнинг асосий мақсади – банкда китоб ўқиш маданиятини кенг тарғиб қилиш, ёшлар орасида адабиётга бўлган қизиқишни ошириш, шунингдек, ўзбек ва жаҳон адабиётининг дурдона асарларини яна бир бор ёдга олишдан иборат эди.
Китоб – энг яқин дўст! МКБАНК маънавият ва маърифат сари интилиш йўлида бундай лойиҳаларни мунтазам давом эттиради.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
