Ўзбекистон Республикаси Президентининг 2025 йил 20-октабрдаги “Давлат тилини янада ривожлантиришга оид қўшимча чора-тадбирлар тўғрисида”ги қарори ижросини таъминлаш мақсадида “Микрокредитбанк” АТБда “Оммавий диктант” акцияси ташкил этилди.
Ушбу ташаббуснинг асосий мақсади — банк ходимларининг лотин ёзувига асосланган ўзбек алифбосида иш юритиш кўникмаларини мустаҳкамлаш, саводхонлик даражасини баҳолаш ҳамда давлат тилига бўлган эътибор ва ҳурматни янада оширишдан иборат.
Диктант мавзуси учун ўзбек адабиётининг энг севимли асарларидан бири — Ўткир Ҳошимовнинг “Дунёнинг ишлари” китобидаги “Туш” ҳикояси танланди. Матнни Банк Бошқарув раисининг маънавий-маърифий ишлар ва давлат тили масалалари бўйича маслаҳатчиси, журналист Гулшода Иброҳимова ўқиб берди.
Тадбир давомида иштирокчилар ўзбек тилининг имло қоидалари, тиниш белгилари ва тўғри ёзув маданияти бўйича билим ва кўникмаларини амалда синаб кўриш имконига эга бўлдилар.
Банк жамоаси учун ушбу акция нафақат саводхонликни баҳолаш, балки маънавиятни ошириш ва китобхонлик маданиятини тарғиб этишга ҳам хизмат қилди.
Акция якунида айрим ходимлар Ўткир Ҳошимов ижоди билан янада яқиндан танишиш истагини билдирди. Баъзилари эса бу асарни илгари ўқимаганини яширмади ва бугуноқ уни мутолаа қилиш ниятида эканлигини айтди.
Банк жамоаси диктант ёзиш жараёнини - ёшлик ва мактаб даврларини эслатувчи носталгия деб атади. Айримлар эса бу жараённи хотира, шахсий ривожланиш ва ижодий тажриба сифатида баҳолади.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
