Эрта тонгдан ходимлар ўртасида челленж ташкил этилиб, унда тилимизга ўрнашиб қолган русча сўзларнинг ўзбекча маъносини ёзиб бериш сўралди.
21 октабр – юртимизда Ўзбек тили байрами куни сифатида кенг нишонланади. Бу йил Ўзбек тилига давлат тили мақоми берилганига 34 йил тўлди. Шу муносабат билан МКБAНК тизимида ҳам маънавий-маърифий тадбир ташкил этилди.
Тадбирга Ўзбекистон Ёзувчилар уюшмаси аъзоси, Педагогика фанлари доктори, профессор Қозоқбой Йўлдошев ҳамда шоир, ёзувчи ва таржимон Ўзбекистон Ёзувчилар уюшмасининг аъзоси Aбдунаби Бойқўзийевлар таклиф этилди.
Тадбирни Бошқарув раиси ўринбосари Икром Джуманиязов очиб бериб, тилсиз жамият ривожланмаслиги, тараққий топмаслигини таъкидлаб, барчани байрам билан қутлади.
Банк ходимлари иштирокида Ўзбек тили байрами муносабати билан бўлиб ўтган маънавий-маърифий давра суҳбатида ўзбек тилининг давлат тили сифатида сиёсий-ҳуқуқий, иқтисодий-ижтимоий, маънавий-маърифий ҳаётимизда ўрни, аҳамияти хусусида фикр-мулоҳазалар юритилди.
Тадбир давомида шоир Aбдунаби Бойқўзийев ватан ҳақида ёзган ижод намуналаридан ўқиб бериб, иштирокчилар қалбига завқ-шавқ улашди.
Қизиқарли ва фикр-мулоҳазаларга бой руҳда ўтган давра суҳбати барчада илиқ таассурот қолдирди.
Банк Ахборот хизмати
Яна кўринг
МКБАНК раҳбарияти “Долзарб 40 кунлик” доирасида маҳаллаларни ўрганди
Аниқланган масалаларни ҳал этишда банкнинг ҳудудий бўлинмалари ҳамда “маҳалла еттилиги” билан ҳамкорликни янада кучайтириш бўйича тегишли вазифалар белгиланди.
“МУСТАҚИЛЛИК ВА МЕН” — РАСМЛАР ТАНЛОВИГА МАРҲАМАТ!
Танловда 6–11 ёшдаги банк ходимларининг фарзандлари иштирок этиши мумкин.
