“Микрокредитбанк” АТБ Бошқарув раиси ўринбосари Иброҳим Мамаджанов ҳамда “Паррандасаноат” уюшмаси бошқарма бошлиғи Руслан Гулямов иштирокида Наманган шаҳридаги тадбиркорлик субъектлари вакиллари ҳамда фуқаролари билан учрашувлар ўтказилди.
Учрашувда 14 та тадбиркорлик субъекти ва 17 нафар фуқаро иштирок этишди. Шундан 4 нафар фуқаронинг масаласи жойида ҳал қилинди ва қолган мурожаатлар юзасидан чора-тадбир ишлаб чиқилиб, масъул ижрочилар белгилаб олинди.
Учрашувда кўтарилган масалалар ўрганилиб, тегишли тижорат банкларига йўналтирилди.
Жумладан, ҳудуддаги “Чаманзор” МФЙда фаолият юритувчи “Абдулазиз тикув саноат” МЧЖ раҳбари томонидан айланма маблағ учун 800 минг АҚШ доллар кредит олиш ҳақидаги мурожаати ўрганилиб, жалб қилинган хорижий кредит линиялари ҳисобидан Ҳамкорбанк томонидан ажратилиши келишиб олинди.
Бундан ташқари, ушбу маҳаллада фаолият юритувчи “Сардор қурилиш саноат” МЧЖ томонидан қурилиш материалларини сотиб олиш учун 4,8 млрд. сўм кредит сўраб қилган мурожаати ўрганилиб, жалб қилинган ресурс маблағлари ҳисобидан кредит ажратилиши белгиланди.
Маълумот учун, айни пайтда Тошбулоқ туманидаги “Шўрқишлоқ” маҳалла фуқаролар йиғини биносида аҳоли билан навбатдаги учрашув ўтказилмоқда.
Банк Ахборот хизмати
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
