Наманган вилоятида “Микрокредитбанк” АТБ томонидан “Раҳбар ва ёшлар” учрашуви бўлиб ўтди.
Унда “Микрокредитбанк” АТБ Бошқарув раиси ўринбосари И.Мамаджанов, ҳокимлик вакиллари ва 200 нафардан ортиқ ёшлар иштирок этди.
Бу учрашув оддий мулоқот эмас, балки ёшлар овозини тинглаш, уларнинг қалбидаги орзуларини, ҳаётий режаларини эшитиш ва эртанги кунини биргаликда тасаввур қилиш майдонига айланди.
Ёшлар ўз ғоялари, стартап ташаббуслари ва режаларини ишонч билан тақдим этишди. Ҳар бир фикр – эртанги кун учун йўл харитаси, ҳар бир таклиф – янги имконият эшиги сифатида қабул қилинди.
Учрашув давомида 50дан ортиқ ёшларнинг таклифлари эшитилди ва 11 нафар ёшнинг ғоялари жойида ҳал этилди. Шунингдек, тадбир давомида банк маҳсулотлари ва хизматлари ҳақида ҳам тақдимотлар кўрсатилиб, банк кредитларидан фойдаланиш имкониятлари тушунтирилди. Тадбир давомида ёшлар учун интерактив савол-жавоблар ҳам ўтказилди.
Шу билан бирга, учрашувда Президентимизнинг ПҚ-60-сонли қарори мазмун-моҳияти ҳақида ҳам батафсил тушунтириш берилди. Қарор ёшлар ҳаётида янги саҳифа очадиган, уларга билим, молиявий қўллаб-қувватлаш ва ташаббусларини кенгайтириш имконини берадиган ҳуқуқий пойдевор сифатида тақдим этилди.
Бу каби учрашувлар ёшларга ишонч беради, уларнинг орзу ва ғояларини реалликка айлантириш учун зарур куч-қувват бағишлайди. Ахир ёшларни эшитиш – келажакни эшитишдир!
Банк Ахборот хизмати
Яна кўринг
