Наманганда Янгиқўрғон банк хизматлари маркази очилди

Жорий йилнинг 14 декабрь куни Микрокредитбанк АТБ Наманган вилояти минтақавий филиали қошида Янгиқўрғон банк хизматлари маркази очилди.

Очилиш маросимида “Микрокредитбанк” АТБ Наманган вилояти минтақавий филиали раҳбари Акмал Даминов, “Микрокредитбанк” АТБ Муаммоли активлар билан ишлаш департаменти директори Абдумажид Сафаров ҳамда туман фаоллари иштирок этишди ва сўзга чиқишди.

Бугун “Микрокредитбанк” томонидан аҳолига тезкор ва сифатли хизмат кўрсатиш борасида тизимли ишлар амалга оширилаётгани, бундан мақсад — банкнинг хизмат кўрсатиш даражасини янада ошириш ва мижозларга қулайлик яратиш орқали мамлакатимиз тараққиёти ва аҳоли турмуш даражасини юксалтириш эканлиги таъкидланиб, банк жамоасига келгуси ишларида улкан муваффақиятлар тиланди.

Таъкидлаш керакки, мазкур БХМда мижозлар учун барча шароитлар яратилган. Бу йерда малакали банк ходимлари томонидан юридик ва жисмоний шахсларга барча турдаги банк ва консалтинг хизматлари кўрсатилади. Марказ 24/7 режимида фаолият кўрсатувчи замонавий банкоматлар билан жиҳозланган.

Эслатиб ўтамиз, янги БХМ Янгиқўрғон тумани “Водий” МФЙ “Ишонч” кўчаси 115-уйда жойлашган.

Банк Ахборот хизмати