Ёшлар билан бевосита мулоқот – бу Янги Ўзбекистон сиёсатининг устувор тамойили, жамият тараққиётининг ҳаракатлантирувчи кучидир.
“Микрокредитбанк” АТБ ташаббуси билан йўлга қўйилган “Раҳбар ва ёшлар” учрашувларининг навбатдагиси Қашқадарё вилояти Қарши шаҳридаги юридик техникуми биносида бўлиб ўтди. Тадбирда Бошқарув раиси ўринбосари в.б. Б.Алланиязов, банк раҳбарияти ҳамда фаол ва ташаббускор ёшлар иштирок этди.
Учрашувда ёшларга “Микрокредитбанк”да бугунги кунда ёшларга яратилаётган шароитлар ва банк фаолиятининг асосий йўналишлари, келажакдаги режалар ҳамда ёшлар учун яратилаётган имкониятлар аниқ фактла билан тушунтирилди.
Тадбир давомида 20 га яқин муаммо ва таклифлар эшитилди, улардан 10 таси айни жараённинг ўзида ҳал этилди. Бу эса, ёшлар муаммоларига бефарқ бўлмаслик, тезкор ечим ва масъулиятли ёндашувнинг амалиётдаги яққол исботидир.
Шунингдек, мулоқотда жамиятдаги коррупция ҳолатлари ва унга қарши муросасизлик ҳақида ҳам сўз борди. Айниқса, ҳар бир ёшнинг “ҳалоллик вакцинаси” билан ҳимояланган бўлиши қилинажак ишларида фақат ўсишга хизмат қилиши таъкидланди. Порахўрликнинг жамиятга, оиласига салбий таъсири борасида мисоллар келтирилиб, банкда коррупсион ҳолатларга дуч келганда алоқа каналлари орқали хабар бериш лозимлиги эслатиб ўтилди.
Учрашувда ёшларнинг ўз саволлари ва фикрларини эркин баён қилишга имкон туғилди ва бу самимий мулоқотга айланди. Ҳар бир саволга батафсил жавоб берилиб, ёшларнинг келажакдаги режаларига мос амалий маслаҳатлар берилди
Энг асосийси, бу учрашув ёшларга фақат назарий билим эмас, балки ўз ғояларини ҳаётга татбиқ этишда банк томонидан қандай имкониятлар мавжудлиги ҳақида аниқ тасаввур берди.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
