Айрим ижтимоий тармоқ фаоллари томонидан Микрокредитбанк АТБнинг солиқдан 387 млрд.сўм қарзи бўлса-да, “Realsoft” масъулияти чекланган жамияти билан 395 млн.сўмлик шартнома тузганлиги хусусида танқидий материаллар эълон қилинди.
Аввало, Микрокредитбанк АТБнинг маҳаллий ва республикамиз бюджетига тўланадиган солиқ ва бошқа мажбурий тўловларидан қарздорлиги йўқлигини маълум қиламиз. Ижтимоий тармоқ фаолларидан эса нотўғри ва ҳақиқатга мос келмайдиган хабарларни тарқатмасликларини сўраб қоламиз.
Шунингдек, ҳақиқатан ҳам, “Realsoft” МЧЖ билан банк ўртасида 395 млн.сўмлик тўғридан-тўғри шартнома имзоланган бўлиб, унга кўра, Collective.mkb.uz ахборот тизимига янги (жамоани самарали бошқариш) модули қўшилиши белгиланган.
Қўшимча маълумот сифатида айтиш лозимки, Микрокредитбанкда электрон ҳужжат алмашиш тизимини жорий қилиш учун 2021 йилда махсус портал орқали “Realsoft” МЧЖнинг Collective.mkb.uz ахборот алмашиш порталини яратиб бериш лойиҳаси харид қилинган.
Ўтган даврда банк тизимидаги барча даражадаги ҳужжатлар тўлиқ ушбу портал ёрдамида амалга оширилиши йўлга қўйилди. Ўз навбатида, бу ходимлар вақтини тежаб, иш самарадорлиги ортишига олиб келмоқда. Бундан ташқари, ҳар йили иш қоғозига сарфланадиган харажатларнинг олди олинди.
Яқинда эса ушбу лойиҳанинг давоми сифатида Collective.mkb.uz ахборот тизимига янги (жамоани самарали бошқариш) модули қўшиш хизмати учун лойиҳа асосчиси бўлган “Realsoft” МЧЖ билан юқоридаги шартнома имзоланди.
Хулоса шуки, банк ва “Realsoft” МЧЖ ўртасида имзоланган шартнома амалдаги қонун талаблари асосида банк манфаатидан келиб чиқиб тузилган.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
