“Микрокредитбанк” акциядорлик-тижорат банки бугунги кунда ўзининг хорижий кредит линиялари орқали жалб қилинган маблағлари билан иқтисодиётнинг реал сектори корхоналарини модернизация қилиш, техник ва технологик қайта жиҳозлаш ҳамда ишлаб чиқаришни диверсификациялашга доир инвестиция лойиҳаларини молиявий қўллаб-қувватлашга қаратилган жараёнларда фаол иштирок этиб келмоқда.

 Мазкур саъй-ҳаракатлар кўламини кенгайтириш мақсадида “Микрокредитбанк” АТБ томонидан молиялаштирилган Сурхандарё вилоятидаги “Алпомиш сервис инвест” хусусий корхонасига бир гуруҳ республика ва маҳаллий оммавий ахборот воситалари вакиллари иштирокида пресс-тур ташкил этилди. Пресс-тур давомида иштирокчилар корхонада тиббий шприц ишлаб чиқариш жараёни билан  бевосита яқиндан танишиш имконига эга бўлишди. 

Frame 7609.png
Таъкидлаш керакки, Ўзбекистон Республикаси Президенти Ш.М.Мирзиёевнинг 2021-йилнинг 1-2-июн кунлари Сурхондарё вилоятига ташрифи давомида тасдиқланган йиғилиш баёнига асосан “Алпомиш Сервис Инвест” хусусий корхонаси томонидан бир марталик тиббий шприц ишлаб чиқариш лойихасини амалга ошириш белгилаб ўтилган.

“Алпомиш сервис инвест” ХК бир марталик тиббий шприц ишлаб чиқариш фаолиятини ташкил этиш бўйича “Микрокредитбанк” АТБдан умумий қиймати 2.940.000 (икки миллион тўққиз юз қирк минг) евро миқдоридаги кредит маблағи ажратилган. Ушбу маблағлар ҳисобидан Хитой давлатининг “SHAOXING B&R PIONEER IMP&EXP. CO. LTD.” корхонаси билан хамкорлик йўлга қўйилиб, шпирист ишлаб чиқарувчи ускуна сотиб олинган ҳамда ва 2022-йилнинг март ойидан лойиха ишга туширилди.  

Корхона тўла қувватда ишга тушгандан сўнг 1 сутка давомида 400.000 дона шундан 2 мл шприц 100.000 дона, 5 мл шприц 200.000 дона, 10 мл шприц 100.000 дона бир марталик тиббий шприц ишлаб чиқариш йўлга қўйилди.

“Алпомиш Сервис Инвест” хусусий корхонасининг бугунги кундаги 1 ойлик соф фойдаси  1,5 млрд сўмга тенг. Ҳозирда корхонада туман аҳолисининг 36 нафарини иш билан таъминлаган. 

Маълумот учун, “Микрокредитбанк” АТБ томонидан жорий йил бошидан бери тадбиркорлик субъектларининг инвестицион лойиҳаларини молиялаштириш учун 66та лойиҳага 376 млрд сўм эквивалентида маблағлар ажратилди. Шунингдек, йил якунига қадар банк томонидан истиқболли лойиҳаларни молиявий қўллаб-қувватлаш борасида ишлар олиб борилмоқда. 

Банк Ахборот хизмати