Тадбиркор аёллар кенгашининг илк йиғилиши бўлиб ўтди
Президент ташаббуси билан Савдо-саноат палатаси ҳузурида ташкил этилган Тадбиркор аёллар кенгашининг биринчи йиғилиши ўтказилди. Йиғилишни Президент Администрацияси масʼул ходими, Тадбиркор аёллар кенгаши раиси Нозимахон Давлетова олиб борди.
Йиғилиш самимий ва дўстона руҳда ўтди. Бугунги кунда хотин-қизлар тадбиркорлигини ривожлантиришда эришилаётган ютуқлар ва юзага келаётган муаммолар муҳокама қилинди. Йиғилишда Микрокредитбанк Бошқарув раиси ўринбосари Шахло Ибрагимова ҳам Кенгаш эксперти сифатида иштирок этиб, ўз таклиф ва ташаббусларини билдирди.
Мазкур Кенгаш Ўзбекистон Республикаси Президентининг 2025-йил 14-мартдаги “Оила ва хотин-қизларни қўллаб-қувватлаш тизимини янада такомиллаштириш чора-тадбирлари тўғрисида”ги ПҚ-103-сонли қарорига мувофиқ ташкил этилди.
Кенгашнинг асосий вазифалари:
мунтазам равишда ҳудудларга чиқиб, тадбиркор хотин-қизларнинг муаммоларини ўрганиш ва уларни бартараф этиш бўйича таклифлар ишлаб чиқиш;
тадбиркор аёлларнинг илғор тажрибаларини бошқа ҳудудларда оммалаштиришга кўмаклашиш;
аввал тадбиркорлик лойиҳаларини амалга оширган хотин-қизлар билан манзилли ишлаб, уларнинг муаммоларини ҳал қилиш ва бизнес ғояларини амалга оширишга кўмаклашиш;
тизимли муаммоларни ҳал қилиш юзасидан Ҳукумат ва Олий Мажлис Қонунчилик палатасига таклифлар киритиб боришдан иборат.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
