Президентимиз Шавкат Мирзиёев раислигида 2024-йил 16-декабр куни маҳаллаларда камбағалликни қисқартириш бўйича қилинган ишлар сарҳисоби ва 2025-йил учун устувор вазифаларга бағишланган видеоселектор йиғилишида аҳолини камбағалликдан чиқариш, оилавий тадбиркорликни ривожлантириш, ҳар бир оиланинг доимий даромад манбаини шакллантириш бўйича қатор вазифалар белгилаб берилган эди.
Ана шу вазифалар ижросини та’минлаш бўйича “Микрокредитбанк” АТБ томонидан ҳам зарур чора-тадбирлар белгиланиб, аниқ амалий ишлар олиб борилмоқда. Мисол учун, Тошкент вилоятида паррандачилик, хусусан, ўрдакчиликни ривожлантириш, дала четларидаги зовурларда ўрдак боқишни йўлга қўйиш масаласига алоҳида э’тибор қаратилмоқда.
Албатта, ҳар бир ишнинг ўзига яраша сир-асрори, қийинчилик ва машаққатлари бўлади. Ўрдак боқиш ҳам ана шундай машаққатли юмушлардан десак, адашмаймиз.
Жорий йилда “Микрокредитбанк” АТБ томонидан вилоятнинг 15 та туманида 144 та узунлиги 144 760 метр коллектор-дренаж ҳамда бошқа мелиорация обектлари атрофларида “Пекин” зотли 36 минг бош ўрдак боқиш йўлга қўйиш мақсад қилинган.
Ҳозирга келиб вилоятдаги 13 та туманда 18 875 метр узунликдаги лойиҳалар амалга оширилди. 13 820 метр узунликдаги лойиҳа ишга тушириш жараёнида. Ишга туширилган ҳудудлардаги лойиҳаларга жами 24 000 бош ўрдаклар етказиб берилди, натижада мазкур йўналишда 219 та хонадон қамраб олинди.
Микрокредитбанк томонидан Қуйи Чирчиқ тумани Дўстобод шаҳарчаси Ибрат МФЙ ҳудудида лидер тадбиркор “Жавохир Иброҳим Оғабек паррандалари” МЧЖ билан биргаликда вилоятда мазкур йўналишда ўрдак жўжалари, инкубаторлар учун ўрдак тухумлари ва озуқа ем маҳсулотлари етказиб бериш ҳамда етиштирилган ўрдак гўшти ва тухумини сотиб олиш маркази ташкил этилди.
Бунда, ижара асосида ҳар бир хонадонга 100 бошдан ўрдак боқилиш йўлга қўйилади.
Бир хонадон томонидан 100 бош ўрдак боқиш лойиҳасини бошлаш учун 45,2 млн.сўм, озуқа харажатлари учун 22 млн.сўм, жами 67,2 млн.сўм маблағ зарур бўлади.
Юқоридаги мақсадлар учун 67,2 млн.сўм (шундан ташаббускорларнинг ўз маблағлари ҳисобидан 37,2 млн.сўм, банк кредити 30 млн.сўм) маблағлар ажратилиши белгилаб олинди.
Та’кидлаш керакки, бу лойиҳа орқали аҳолининг турмуш даражасини яхшилаш, қўшимча даромад манбаини яратиш ҳамда маҳаллий иш ўринларини кўпайтириш кўзда тутилган.
Банк Ахборот хизмати
Яна кўринг
Оққўрғон туманида меҳнат ярмаркаси ва ёшлар билан очиқ мулоқот ташкил этилди
Дам олиш кунлари ҳам ишлаймиз!
