Микрокредитбанк ҳамда Тошкент шаҳар Яшнабод тумани ҳокимлиги ҳамкорлигида ҳудуддаги Содиқ Азимов кўчасини гастрономик, яъни 24/7 режимида ишловчи кўчага айлантириш бўйича лойиҳа ишлари якунига етказилди.
Мазур лойиҳа доирасида Содиқ Азимов кўчасида ёритиш устунларини, ўриндиқлар ва чиқинди урналарини ўрнатиш, манзарали дарахт кўчатлари ўтқазиш, суғориш тизимларини жойлаштириш, аудио мусиқа тизимини ташкил этиш, декоратив арка ва устунлар ўрнатиш, шунингдек, ҳудудда фотозоналар учун декоратив элементлар ташкил этиш, пиёдалар йўлаклари, вело-йўлаклар йўл чеккасида ҳаракатланишга халал бермайдиган автотураргоҳлар ва замонавий ўриндиқлар ташкил этиш, овқатланиш учун қулай бўлган ""Food trak "лар фаолиятини йўлга қўйиш, болалар ўйингоҳи ва 3D форматдаги катта монитор ўрнатиш каби ишлар амалга оширилади.
Бир сўз билан айтганда, ушбу кўча пойтахтликлар ҳамда юртимиз меҳмонлари, айниқса, хорижлик сайёҳлар учун туну-кун ишлайдиган кўнгилочар марказга айлантирилади.
Ушбу кўчада жойлашган барча озиқ-овқат ҳамда савдо нуқталари хорижий валютадаги тўловларни қабул қилувчи терминаллар билан таъминланиб, банкларнинг 24/7 режимда ишловчи замонавий банкомат ва инфокиосклари ўрнатилади.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
