Ўзбекистон бой тарихга эга мамлакат ҳисобланади. Шу боисдан ҳам туризм соҳасини давлат томонидан қўллаб – қувватлаш, мазкур соҳа билан шуғулланувчи корхоналарга имтиёзлар яратиб бериш, шунингдек, туризм соҳаси учун инфратузилмани шакллантириш борасидаги ишлар жадал суръатлар билан олиб борилмоқда.
Ҳозирги кунда мамлакатимиз туризм салоҳиятини ривожланган давлатлар фойдаланаётган тажрибалар асосида мавжуд бўлган туристик салоҳиятдан фойдаланиш орқали дунёга намоён қилиш зарур ҳисобланади.
Ўзбекистон Республикаси Президентининг 2023-йил 26-апрелдаги “Республиканинг туризм салоҳиятини жадал ривожлантириш ҳамда маҳаллий ва хорижий туристлар сонини янада оширишга доир қўшимча чора-тадбирлар тўғрисида”ги ПҚ-135-сонли қарорининг имзоланиши ҳам бу соҳага алоҳида еътибор қаратиш талабини оширди.
Бугунги кунда замонавий туризм транспорт, ижтимоий ва хизмат кўрсатиш соҳаларининг юқори даражада ривожланишига асосланган бўлиб, бу охир-оқибат уни иқтисодиётнинг юқори рентабелли соҳасига айлантиради.
Шундан келиб чиқиб, Микрокредитбанк томонидан Оилавий тадбиркорликни ривожлантириш дастури доирасида йўловчиларни ташишда фойдаланиладиган ва ҳайдовчидан ташқари саккиз ва ундан ортиқ ўриндиққа ега бўлган транспорт воситаларини харид қилиш учун 300 млн.сўмгача, шунингдек, жисмоний шахсларга хизматлар кўрсатиш соҳасини ривожлантириш оилавий меҳмон уйлари ташкил етиш учун 33 млн.сўмгача миқдордаги имтиёзли кредитлар ажратилмоқда.
Кредитлар йиллик 14 фоиздан, 36 ой муддатгача 6 ой имтиёзли давр билан ажратилади.
Кредитлардан фойдаланиш истагида бўлган аҳоли ва тадбиркорлик субъектлари ягона електрон платформа (оилакредит.уз) сайти орқали мурожаат қилишлари мумкин.
Банк Ахборот хизмати
