Бугун ижтимоий тармоқларда “Микрокредитбанк” АТБ Қашқадарё вилояти минтақавий филиалининг банк томонидан ажратилган кредитларнинг айрим йиғма жилдлари банкда мавжуд эмаслиги тўғрисидаги хабар тарқалди.
Мазкур ҳолат ўрганилганда, “Микрокредитбанк” АТБ Қашқадарё вилояти минтақавий филиалида кредит йиғма жилдлари инвентаризациядан ўтказилаётгани шунингдек, бугунги кунда Қашқадарё вилояти минтақавий филиалида давом этаётган инвентаризация жараёнида айрим кредит йиғма жилдлари банкда мавжуд эмаслиги маълум бўлди. Айни дамда ушбу ҳолатлар бўйича банк маъсул ходимлари томонидан тегишли чоралар кўрилаётган бўлиб, инвентаризация тугатилгандан сўнг юзага келган бу каби воқеа ва аниқланган камчиликлар бўйича банкнинг маъсул ходимларига белгиланган тартибда қонуний чоралар кўрилади ҳамда бу ҳақда яна қўшимча маълумот тақдим этилади.
Шу ўринда “Микрокредитбанк” АТБ Қашқадарё вилояти минтақавий филиали раҳбарияти кредит йиғма жилдларини ўзида сақлаб турган фуқаромиздан бошқа фуқароларга алоқадор маълумотларнинг сир сақланишини ва давлат банки бўлган “Микрокредитбанк” АТБнинг активлари бутлигини таъминлаш мақсадида кредит йиғма жилдларининг банкка қайтарилишини фуқаролик бурч деб ҳисоблаб, ҳужжатларни қайтаришга амалий ёрдам беришини сўрайди.
Шунингдек, бу каби ҳолатдан ўз вақтида хабардор қилган ижтимоий тармоқ канали муаллифининг ҳамкорлигини қадрлашимизни таъкидламоқчимиз.
Банк Ахборот хизмати
Яна кўринг
“Камбағаллик билан ишлаш бўйича” мутлақо янги тизим жорий қилинади!
Янги ўқув йили — янги орзулар ва катта мақсадларнинг бошланиши!
Тадбирда сўзга чиққан М.Авазов барча ўқувчиларни, айниқса, мактаб остонасига илк бор қадам қўйган 1-синф ўқувчиларини янги ўқув йили билан табриклаб, уларга омад ва зафарлар тилади.
МКБАНК ходимлари юксак мукофот билан тақдирланди!
Банк Бошқарув Раиси эсдалик нишонларни ўз эгаларига топшираркан, уларнинг юртимиз равнақи ва тараққиёти ҳамда банк ривожига қўшаётган муносиб ҳиссаларини алоҳида эътироф этди.
