Жорий йилнинг 27 октябрь куни АҚШнинг “Accion” ҳамда “Mastercard” компаниялари ташаббуси билан “Ўзбекистонда микро, кичик ва ўрта корхоналарни рақамлаштириш лойиҳаси” мавзусида Zoom орқали вебинар ташкил этилди.
Ушбу вебинарда МКБАНК раисининг биринчи ўринбосари Акмал Хамидов иштирок этди.
“Accion” компанияси 60 йилдан буён молиявий хизматлардан фойдаланиш бўйича жаҳон етакчиси ҳисобланиб, Африка, Лотин Америкаси ва Осиёдаги 110 дан ортиқ молиявий хизматлар провайдерларига (МХП) фойдаланиш имконияти чекланган тадбиркорлар ва кичик бизнесга ушбу имконни берувчи инновацион хизматни ишлаб чиқди ва жорий қилди, шунингдек, ушбу ташкилотларга - тижорат банкларидан тортиб микромолия ташкилотлари (ММТ) ва Fintech компанияларигача – кенг кўламли ўзгаришларни амалга оширишга кўмаклашишда ўзига хос тажриба яратишни ривожлантирди. Бизнинг ишимиз ўн миллионлаб микро ва кичик корхоналар (МКК) ҳаётига таъсир кўрсатди. 2021 йилда “Accion Global Advisory Solutions” (GLASS) бутун дунё бўйлаб муассасаларга кўмак ва хизматлар кўрсатиш орқали 8,5 миллион жисмоний шахслар ва МККларни қамраб олди. “Accion Glass” жамоаси Африка, Лотин Америкаси ва Осиёда етарлича хизмат кўрсатилмаган бозорларда МХПларни яратиш ва қўллаб-қувватлаш бўйича амалий тажрибага ва чуқур техник ва бошқарув тажрибасига эга бўлган 50 га яқин молиявий хизматлардан фойдаланиш имконияти соҳасида мутахассислардан иборат.
Эслатиб ўтамиз, МКБАНК ва “Accion” компаниялари биргаликда ўрта ва кичик бизнесни молиявий қўллаб-қувватлаш мақсадида Микрокредит ташкилоти тузиш лойиҳасини амалга оширмоқда.
Яна кўринг
МКБАНК раҳбарияти “Долзарб 40 кунлик” доирасида маҳаллаларни ўрганди
Аниқланган масалаларни ҳал этишда банкнинг ҳудудий бўлинмалари ҳамда “маҳалла еттилиги” билан ҳамкорликни янада кучайтириш бўйича тегишли вазифалар белгиланди.
“МУСТАҚИЛЛИК ВА МЕН” — РАСМЛАР ТАНЛОВИГА МАРҲАМАТ!
Танловда 6–11 ёшдаги банк ходимларининг фарзандлари иштирок этиши мумкин.
