МКБАНКда ходимларнинг маънавий-маърифий салоҳиятини юксалтириш, гендер тенглик тамойилларини мустаҳкамлаш ҳамда аёл ходимларнинг касбий ва шахсий ривожланишини қўллаб-қувватлаш мақсадида Ўзбекистон Ислом цивилизацияси марказига маънавий-маърифий ташриф ташкил этилди.
Ташриф давомида иштирокчилар Марказнинг бой экспозитсиялари билан танишиб, буюк алломаларимизнинг илм-фан, маданият ва маърифат ривожига қўшган улкан ҳиссаси ҳақида батафсил маълумотларга эга бўлдилар. Аждодларимизнинг бой илмий мероси, бағрикенглик, инсонпарварлик ва маърифатга асосланган қадриятлари бугунги тараққиёт учун ҳам муҳим аҳамият касб этиши алоҳида таъкидланди.
Шунингдек, ташриф доирасида гендер тенгликни таъминлаш, аёлларнинг жамият ва меҳнат жамоаларидаги ўрнини янада мустаҳкамлаш, уларнинг лидерлик салоҳиятини ривожлантириш ҳамда ўзаро тажриба ва фикр алмашиш масалалари юзасидан очиқ мулоқот ташкил этилди.
Иштирокчилар ўз фикр ва мулоҳазаларини билдириб, касбий фаолиятда дуч келинаётган масалалар, янги ташаббуслар ҳамда истиқболдаги режалар юзасидан самарали суҳбат олиб бордилар.
Мазкур ташриф нафақат маънавий озуқа олиш, балки жамоавий бирдамликни мустаҳкамлаш, ходимлар ўртасида ўзаро ишонч ва ҳамкорликни янада ривожлантиришга хизмат қилди.
МКБАНК инсон капиталини ривожлантириш, ходимларнинг билим ва салоҳиятини ошириш ҳамда гендер тенглик тамойилларини ҳаётга изчил татбиқ этишга қаратилган бундай ташаббусларни келгусида ҳам давом эттиради.
Банк Ахборот хизмати
Яна кўринг
Дам олиш кунлари ҳам ишлаймиз!
МКБАНКда гиёҳвандлик ва психотроп моддаларнинг салбий оқибатларига бағишланган давра суҳбати ташкил этилди
Тадбирда Бошқарув раиси ўринбосари С.Мелибаев, Ички ишлар вазирлиги Тезкор қидирув департаменти ходими, капитан Улуғбек Алтибоев, банк ходимлари ва ёшлар иштирок этди.
