МКБАНКда “Хавфсиз ва соғлом юрт” комплекс тезкор-профилактик тадбирлари ойлиги доирасида Ички ишлар вазирлиги Тезкор қидирув департаменти билан ҳамкорликда “Ўзбекистонда гиёҳвандлик ва психотроп моддаларнинг салбий оқибатлари, уларнинг ёшлар ҳаёти ва келажагига таҳдиди” мавзусида давра суҳбати ташкил этилди.
Тадбирда Бошқарув раиси ўринбосари С.Мелибаев, Ички ишлар вазирлиги Тезкор қидирув департаменти ходими, капитан Улуғбек Алтибоев, банк ходимлари ва ёшлар иштирок этди.
Мазкур тадбирнинг асосий мақсади - банк ходимлари, айниқса, ёшлар ўртасида соғлом турмуш тарзини тарғиб қилиш, гиёҳвандлик ва психотроп моддалар истеъмолининг аянчли оқибатлари ҳақида хабардорликни ошириш ҳамда уларни турли зарарли иллатлардан асрашга қаратилди.
Давра суҳбати давомида Ички ишлар вазирлиги Тезкор қидирув департаменти мутахассиси томонидан гиёҳвандлик ва психотроп моддаларнинг инсон саломатлиги, руҳий ҳолати ҳамда ижтимоий ҳаётига кўрсатадиган салбий таъсири ҳақида батафсил маълумот берилди. Шунингдек, ушбу иллатларнинг ёшлар келажаги, оилавий муҳит ва жамият тараққиётига етказадиган зарарли оқибатлари ҳаётий мисоллар асосида тушунтирилди.
Тадбирда гиёҳвандлик воситалари ва психотроп моддаларнинг ноқонуний муомаласига қарши курашиш борасида мамлакатимизда амалга оширилаётган чора-тадбирлар, амалдаги қонунчилик талаблари ҳамда бу турдаги ҳуқуқбузарликлар учун белгиланган жавобгарлик масалаларига алоҳида эътибор қаратилди.
Тадбир якунида иштирокчилар ўзларини қизиқтирган саволлар юзасидан мутахассислар билан фикр алмашди.
Давра суҳбати очиқ мулоқот руҳида ўтиб, ёшларни турли таҳдидлардан ҳимоя қилиш, уларнинг ҳуқуқий онги ва фуқаролик масъулиятини юксалтириш борасида муҳим аҳамият касб этди.
МКБАНК ходимлар учун бу каби маънавий-маърифий ва профилактик тадбирларни изчил давом эттиради.
Банк Ахборот хизмати
Яна кўринг
Дам олиш кунлари ҳам ишлаймиз!
МКБАНК аёл ходимлари Ислом цивилизацияси марказида!
Мазкур ташриф нафақат маънавий озуқа олиш, балки жамоавий бирдамликни мустаҳкамлаш, ходимлар ўртасида ўзаро ишонч ва ҳамкорликни янада ривожлантиришга хизмат қилди.
