Жорий йилнинг 26 январь куни Микрокредитбанк акциядорлик-тижорат банки бош офисида “Ислом молия асослари ва замонавий Ислом банк тизимида қўлланиладиган молиявий маҳсулотлар” мавзусида амалий семинар ташкил этилди.
Семинар Хусусий секторни ривожлантириш Ислом корпорацияси мутахассислари томонидан ўтказилди.
Ислом молиясида амалий тажрибага эга бўлган ушбу мутахассислар асосан банкнинг вилоят ва туман филиалларидан иборат юздан ортиқ семинар иштрокчилари билан биргаликда Ислом иқтисодиёти, молияси ва банклари асослари билан боғлиқ бўлган мавзулар юзасидан маълумотга эга бўлдилар.
Мазкур семинардан мақсад банк ходимларига Ислом банк-молия тизими доирасида қўлланадиган молиявий восита ва маҳсулотлар бўйича батафсил маълумот бериш, уларнинг бу соҳадаги билим ва кўникмаларини кучайтириш, шунингдек, ушбу тизим имкониятларини амалда кўрсатишдан иборат.
Ўқув-семинарда Ислом молияси, муробаҳа ва музораба тўғрисидаги тушунчалар ва Ўзбекистон банк тизимида мазкур иструментлар турларини тадбиқ этишга қаратилган тавсиялар юзасидан маълумот берилди.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
