“Микрокредитбанк” акциядорлик-тижорат банки бугунги кунда ўзининг хорижий кредит линиялари орқали жалб қилинган маблағлари билан иқтисодиётнинг реал сектори корхоналарини модернизация қилиш, техник ва технологик қайта жиҳозлаш ҳамда ишлаб чиқаришни диверсификациялашга доир инвестиция лойиҳаларини молиявий қўллаб-қувватлашга қаратилган жараёнларда фаол иштирок этиб келмоқда.
Мазкур саъй-ҳаракатлар кўламини кенгайтириш мақсадида “Микрокредитбанк” АТБ томонидан молиялаштирилган Сирдарё вилояти, Сирдарё туманидаги “EURASIA GAZ BETON” МЧЖга бир гуруҳ республика ва маҳаллий оммавий ахборот воситалари вакиллари иштирокида пресс-тур ташкил этилди. Пресс-тур давомида иштирокчилар корхонада газобетон ишлаб чиқариш жараёни билан бевосита яқиндан танишиш имконига эга бўлишди.
Ривожланган давлатларда ғишт ўрнига энергия тежамкор газобетондан фойдаланиш кенг оммалашган бўлиб, мамлакатимизда ҳам ушбу қурилиш материалларини ишлаб чиқаришни кенг йўлга қўйиш, бу йўналишда жаҳон тажрибасини қўллашга алоҳида эътибор бериб келинмоқда. Сирдарё вилоятидаги Европа технологиялари асосида бунёд этилган “EURASIA GAZ BETON” МЧЖ ҳам ана шундай корхоналардандир. Корхона лойиҳасининг умумий қиймати 28,9 млн AҚШ долларини ташкил этса, шундан 15,4 млн евро ва 928 минг AҚШ доллари Микрокредитбанк томонидан ажратилган кредит суммасига тўғри келади.
Завод ўзига хос гаризонтал кесиш технологияси асосида ташкил этилган. Унинг йиллик ишлаб чиқариш қуввати 432 минг метр куб бўлиб, лойиҳанинг мақсади, юртимизда газобетон маҳсулотлари ишлаб чиқариш комплексини ташкил қилишдир. Таъкидлаш керакки, корхонада айни дамда 150 та янги иш ўринлари яратилган бўлиб, туман аҳолисининг катта қисмини иш билан таъминлаган.
Маълумот учун, “Микрокредитбанк” АТБ томонидан жорий йил бошидан бери тадбиркорлик субъектларининг инвестицион лойиҳаларини молиялаштириш учун 83та лойиҳага 641 млрд сўм эквивалентида маблағлар ажратилди. Шунингдек, йил якунига қадар банк томонидан истиқболли лойиҳаларни молиявий қўллаб-қувватлаш борасида ишлар олиб борилмоқда.
Банк Ахборот хизмати
Яна кўринг
“Камбағаллик билан ишлаш бўйича” мутлақо янги тизим жорий қилинади!
Янги ўқув йили — янги орзулар ва катта мақсадларнинг бошланиши!
Тадбирда сўзга чиққан М.Авазов барча ўқувчиларни, айниқса, мактаб остонасига илк бор қадам қўйган 1-синф ўқувчиларини янги ўқув йили билан табриклаб, уларга омад ва зафарлар тилади.
МКБАНК ходимлари юксак мукофот билан тақдирланди!
Банк Бошқарув Раиси эсдалик нишонларни ўз эгаларига топшираркан, уларнинг юртимиз равнақи ва тараққиёти ҳамда банк ривожига қўшаётган муносиб ҳиссаларини алоҳида эътироф этди.
