“Mikrokreditbank” aksiyadorlik-tijorat banki bugungi kunda oʼzining xorijiy kredit liniyalari orqali jalb qilingan mablagʼlari bilan iqtisodiyotning real sektori korxonalarini modernizatsiya qilish, texnik va texnologik qayta jihozlash hamda ishlab chiqarishni diversifikatsiyalashga doir investitsiya loyihalarini moliyaviy qoʼllab-quvvatlashga qaratilgan jarayonlarda faol ishtirok etib kelmoqda.
Mazkur saʼy-harakatlar koʼlamini kengaytirish maqsadida “Mikrokreditbank” АTB tomonidan moliyalashtirilgan Sirdaryo viloyati, Sirdaryo tumanidagi “EURASIA GAZ BETON” MChJga bir guruh respublika va mahalliy ommaviy axborot vositalari vakillari ishtirokida press-tur tashkil etildi. Press-tur davomida ishtirokchilar korxonada gazobeton ishlab chiqarish jarayoni bilan bevosita yaqindan tanishish imkoniga ega boʼlishdi.
Rivojlangan davlatlarda g'isht o'rniga energiya tejamkor gazobetondan foydalanish keng ommalashgan bo'lib, mamlakatimizda ham ushbu qurilish materiallarini ishlab chiqarishni keng yo'lga qo'yish, bu yo'nalishda jahon tajribasini qo'llashga alohida e'tibor berib kelinmoqda. Sirdaryo viloyatidagi Yevropa texnologiyalari asosida bunyod etilgan “EURASIA GAZ BETON” MCHJ ham ana shunday korxonalardandir. Korxona loyihasining umumiy qiymati 28,9 mln AQSH dollarini tashkil etsa, shundan 15,4 mln Yevro va 928 ming AQSH dollari Mikrokreditbank tomonidan ajratilgan kredit summasiga to‘g‘ri keladi.
Zavodning yillik ishlab chiqarish quvvati 432 ming metr kub bo'lib, loyihaning maqsadi, yurtimizda gazobeton mahsulotlari ishlab chiqarish kompleksini tashkil qilishdir. Ta’kidlash kerakki, korxonada ayni damda 150 ta yangi ish o‘rinlari yaratilgan bo‘lib, zavod oʻziga xos garizontal kesish texnologiyasi asosida tashkil etilgan.
Maʼlumot uchun, “Mikrokreditbank” АTB tomonidan joriy yil boshidan beri tadbirkorlik subʼektlarining investitsion loyihalarini moliyalashtirish uchun 83ta loyihaga 641 mlrd soʼm ekvivalentida mablagʼlar ajratildi. Shuningdek, yil yakuniga qadar bank tomonidan istiqbolli loyihalarni moliyaviy qoʼllab-quvvatlash borasida ishlar olib borilmoqda.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
