Arnasoy tumanida aholi xonadonlarida tadbirkorlikni rivojlantirish, yangi daromad manbalarini yaratish va oilalar farovonligini oshirishga qaratilgan loyihalar izchil amalga oshirilmoqda.
Jumladan, chorvachilik yo‘nalishida 2026-yil boshidan 1-sentabrga qadar imtiyozli kredit va aholining o‘z mablag‘lari hisobidan 95 ta xonadonga 210 bosh naslli chorva mollari sotib olindi. Ayni paytda ushbu xonadonlarda 800 boshdan ortiq naslli chorva mollari parvarish qilinmoqda.
Yil yakuniga qadar ushbu yo‘nalishdagi ishlarni kengaytirib, 1 000 ta xonadonda 3 000 bosh naslli chorva mollari yetishtirish rejalashtirilgan.
Shuningdek, turizm yo‘nalishida ham yangi loyihalar amalga oshirilmoqda. Arnasoy tumani "Baxtli" MFYning "Navro‘z" qo‘rg‘oni hududida 2026-yil boshidan 16-sentabrga qadar 13 ta tadbirkor tomonidan uy mehmonxonalari va savdo shoxobchalari tashkil etildi. Tadbirkorlar ushbu faoliyat orqali kuniga 1,5–3 million so‘mgacha daromad olmoqda.
Ayni paytda uy mehmonxonalari tashkil etish istagida bo‘lgan 16 nafar talabgor mavjud bo‘lib, ularning loyihalarini moliyalashtirish uchun 2,33 milliard so‘m kredit mablag‘lari ajratilishi rejalashtirilgan.
Shu bilan birga, tumanda qurtchilik faoliyatini rivojlantirishga ham alohida e’tibor qaratilmoqda. Xususan, imtiyozli kredit va o‘z mablag‘lari hisobidan Arnasoy tumani Do‘stlik MFYda “Tur anori” MChJ rahbari Jo‘rayev Ulug‘bek tomonidan korporatsiya usulida mahalladagi 10 ta oila jalb etilib, qurtchilik faoliyati yo‘lga qo‘yilgan. Hozirda korxonada oyiga 3 tonna qurt ishlab chiqarilmoqda.
Bugungi kunga kelib, Arnasoy tumanida qurtchilik bilan shug‘ullanayotgan oilalar soni 38 taga yetgan. Ular ushbu faoliyat orqali oyiga 5 million so‘mdan 10 million so‘mgacha daromad olmoqda.
Mazkur loyihalar aholi xonadonlarida tadbirkorlikni kengaytirish, barqaror daromad manbalarini shakllantirish va yangi ishbilarmonlik imkoniyatlarini yaratishga xizmat qilmoqda.
Bank Axborot xizmati
Yana ko‘ring
MKBANK va Belarus elchisi — yangi hamkorlik imkoniyatlari sari
MKBANK va FOTON — biznes uchun yangi imkoniyatlar sari!
Kitob o‘qish soati: asar va tafakkur uyg‘unligi
Tadbirning yana bir qiziqarli jihati — ishtirokchilarning o‘zlarini ta’sirlantirgan, ularda chuqur taassurot qoldirgan parchalarni o‘qib berishlari bo‘ldi.
