Kitob — inson tafakkurini boyitadigan, qalbiga ezgulik va hayotiga yangi ma’no olib kiradigan bebaho manba. Yaxshi asar mutolaasi orqali inson nafaqat yangi bilimlarni egallaydi, balki hayotga, insoniy munosabatlarga va o‘ziga boshqacha nigoh bilan qarashni o‘rganadi.
“Mikrokreditbank” ATBda xodimlarning kitobxonlik madaniyatini yuksaltirish, mutolaa orqali ularning dunyoqarashi va ma’naviy olamini boyitishga qaratilgan “Kitob o‘qish soati” loyihasi izchil davom etmoqda.
Navbatdagi mutolaa uchun jahon adabiyotining mashhur namoyandasi, amerikalik yozuvchi, Nobel mukofoti sovrindori Ernest Xemingueyning “Alvido, qurol!” romani tanlandi.
Asar mutolaa qilinganidan so‘ng tashkil etilgan tadbirda bank xodimlari roman mazmuni, undagi qahramonlar taqdiri, insoniy tuyg‘ular, muhabbat, urush va tinchlik kabi mavzular yuzasidan o‘z fikr-mulohazalarini bildirdilar. Ishtirokchilar uchun asar asosida tayyorlangan test savollari ham tashkil etilib, kitobxonlarning asarni qay darajada chuqur o‘zlashtirgani sinovdan o‘tkazildi.
Tadbirning yana bir qiziqarli jihati — ishtirokchilarning o‘zlarini ta’sirlantirgan, ularda chuqur taassurot qoldirgan parchalarni o‘qib berishlari bo‘ldi. Bu jarayon orqali xodimlar nafaqat asar haqidagi bilimlarini, balki uning mazmunidan kelib chiqqan shaxsiy qarash va xulosalarini ham namoyon etdilar.
Eng faol va bilimdon kitobxonlar esa esdalik sovg‘alari bilan taqdirlandi.
Darhaqiqat, mutolaa — shunchaki kitob o‘qish emas. Har bir o‘qilgan sahifa insonni fikrlashga, mushohada qilishga, yangicha xulosalar chiqarishga chorlaydi. Ayniqsa, jamoaviy mutolaa xodimlar o‘rtasida fikr almashish, turli qarashlarni tinglash va yangi g‘oyalar bilan o‘rtoqlashish uchun o‘ziga xos maydon yaratadi.
MKBANK — Birgalikda kitob o‘qiymiz!
Bank Axborot xizmati
Yana ko‘ring
MUROJAATLAR ORTIDA INSON MANFAATLARI BOR
Romitan tumanida tadbirkorlar bilan ochiq muloqot o‘tkazildi!
Muzrabotda bank xizmatlari yarmarkasi tashkil etildi
Shuningdek, yoshlar va aholi vakillarining savollariga mutaxassislar tomonidan batafsil javob berilib, mavjud imkoniyatlardan foydalanish tartibi yuzasidan zarur tavsiyalar berildi.
