Бугун юртимизда китобхонлик маданиятини ривожлантириш, ёшлар ва аҳоли орасида китоб ўқишга бўлган меҳрни шакллантириш йўлида кенг кўламли ислоҳотлар амалга оширилмоқда.
Шу эзгу мақсадда 3-4 ноябрь кунлари МКБАНКда “ТаскинКитоблар” нашриёти билан ҳамкорликда банк ходимлари ва мижозлари учун китоб ярмаркаси ташкил этилди.
Ярмаркада ходимлар “ТаскинКитоблар” нашриёти томонидан чоп этилган турли жанрдаги — тарихий, бадиий, илмий-оммабоп, мотиватсион ва болалар учун мўлжалланган китоблар, жаҳон ва ўзбек адабиётининг дурнона асарлари билан танишиш, уларни харид қилиш имкониятига эга бўлишди.
Бу кунда кўпчилик ходимлар ўзлари учун янги муаллифлар ва асарларни кашф этди, десак адашмаймиз.
МКБАНК жамоаси бундай ташаббусларни доимий тарзда давом эттиради.
Зеро, китоб – тафаккур калити, инсонни илҳомлантирувчи, ҳаётга янгича нигоҳ бахш этувчи манбадир.
Банк Ахборот хизмати
Яна кўринг
MKBANK PAYSEND халқаро пул ўтказмаси билан ҳамкорликни йўлга қўймоқда
“Микрокредитбанк” АТБ тизимида коррупциянинг олдини олиш чоралари янада кучайтирилмоқда
