O‘zbekiston Madaniyat va san’atni rivojlantirish jamg‘armasi tashabbusi bilan Samarqand shahrida 2-3-noyabr kunlari “Samarkand Marathon” xalqaro xayriya poygasi o‘tkazildi.
6-bor o‘tkazilayotgan marafonda 40 ga yaqin davlatdan uch ming nafardan ziyod ishtirokchi 2, 5, 10, 21 va 42 kilometr masofani bosib oʻtish uchun o‘zaro bellashishdi.
Mazkur marafonda MKBANK jamoasi ham munosib ishtirok etdi.
Unda sportchilar shaharning markaziy ko‘chalari va tarixiy obidalarini aylanib yugurishdi. Start va marra chizig‘i Registon maydoni bo‘ldi.
Marafonda turli yosh toifasida va imkoniyati cheklangan fuqarolar oʻrtasida ham gʻoliblar aniqlanib, ularga pul mukofoti va esdalik sovgʻalari topshirildi.
“Samarkand Marathon” xayriya yugurish musobaqalari turkumi mamlakatimizdagi madaniyat va san’at maskanlarida hamma uchun barobar teng muhit yaratish, sog‘lom turmush tarzini targ‘ib etish hamda sport sayyohligini rivojlantirish vazifalariga yechim topishda jamoatchilik e’tiborini jalb qilishga ko‘maklashadi.
Bank Axborot xizmati
