Ta'lim krediti (PQ-5203)

Kredit haqida

Kredit maqsadi: O‘zbekiston Respublikasida faoliyat ko‘rsatayotgan ta'lim muddati bir yil va undan ortiqni tashkil etuvchi barcha oliy, o‘rta maxsus va professional ta'lim tashkilotlari (davlat, nodavlat oliy, o‘rta maxsus va professional ta'lim tashkilotlari, O‘zbekiston Respublikasi hududidagi xorijiy oliy, o‘rta maxsus va professional ta'lim tashkilotlari va ularning filiallari)da va qo‘shma ta'lim dasturlari bo‘yicha bakalavr hamda magistraturaning kunduzgi, sirtqi va kechki ta'lim shaklida to‘lov-kontrakt asosida o‘qishga tavsiya etilgan yoki qabul qilingan, shuningdek o‘qishini ko‘chirgan O‘zbekiston Respublikasi fuqarosi bo‘lgan talabalarning taxsil olishlari uchun beriladi.

Kredit oluvchi bankka quyidagi hujjatlarni taqdim etadi:

• ID karta yoki pasport;
• talaba va ta'lim tashkiloti o‘rtasidagi to‘lov-kontrakt asosida o‘qish haqida belgilangan tartibda rasmiylashtirilgan shartnoma (kontrakt) va unga ilova qilinadigan hisob varaqasi/fakturasi (mavjud bo‘lganda). (shartnoma (kontrakt)da o‘qishni tamomlashning belgilangan muddati va bir yil uchun to‘lov miqdori ko‘rsatilgan bo‘lishi lozim);
• qonunchilikda ko‘rsatilgan boshqa tegishli hujjatlar ham talab qilinishi mumkin.

Kredit ta’minoti:

• uchinchi shaxs kafilligi;

• sug‘urta polislari;

• Qonun hujjatlari doirasidagi boshqa ta’minot turlari.

Kredit muddati: 15 yilgacha (ta'lim tashkilotlarida o‘qish davri hisobga olingan holda, talabaning rasmiy o‘qish muddati tugagandan so‘ng yettinchi oydan boshlab yetti yil).

Yillik foiz stavkasi: Markaziy bankning asosiy stavkasi miqdorida.

Kredit ajratishning eng yuqori miqdori: to‘lov-kontrakt shartnomasida belgilangan summa.