Maʼlumki, korrupsiya jamiyatning rivojlanishiga qarshi qaratilgan harakat sifatida har qanday jamiyat va davlatda ijtimoiy-iqtisodiy muammolarni keltirib chiqaradi hamda ularni chuqurlashtirishga sabab boʻladigan omil sifatida baholanadi.
Ba’zilar korrupsiyani saraton yoki koronavirusga o‘xshatadilar, ikkala holatda ham odamlarning sog‘lig‘ini buzadigan, resurslar va rivojlanish imkoniyatlarini yo‘q qiladigan, hatto umidni yo‘q qiladigan va aholining adolat va rivojlanishga bo‘lgan ishonchini pasaytiradigan kasallik, deb biladi.
Bugun “Mikrokreditbank” ATBda “Bank tizimida korrupsiyaga qarshi kurashning huquqiy asoslari” mavzusida davra suhbati bo‘lib o‘tdi. Unda bosh ofis xodimlari va hududiy boshqarmalardagi xodimlar ZOOM orqali ishtirok etishdi.
Bank bosh ofisida tashkil etilgan tadbir xodimlarning korrupsiyaga nisbatan murosasiz munosabatini shakllantirishga, bank xodimlari tomonidan korrupsion vaziyatlarga, jumladan, noqonuniy kredit ajratish holatlariga yoʻl qoʻymaslikka qaratildi.
Mazkur o‘quv seminarida O‘zbekiston Respublikasi Adliya Vazirligi huzuridagi Yuristlarning malakasini oshirish markazi dosenti, y.f.n. Rafik Shakurov ishtirok etib, jamiyatimizda korrupsiyaning salbiy oqibatlari, halollik vaksinasi, korrupsiyaga qarshi kurashish sohasidagi davlat siyosatining asosiy yo‘nalishlari, aholining huquqiy ongi va huquqiy madaniyatini yuksaltirish, jamiyatda korrupsiyaga nisbatan murosasiz munosabatni shakllantirish, davlat va jamiyat hayotining barcha sohalarida korrupsiyaning oldini olishga doir chora-tadbirlarni amalga oshirish, korrupsiyaga oid huquqbuzarliklarni o‘z vaqtida aniqlash, unga imkon beruvchi sabablar va shart-sharoitlarni bartaraf etish, korrupsiyaga oid huquqbuzarliklarni sodir etganlik uchun javobgarlikning muqarrarligi haqida tadbir ishtirokchilariga ma’lumot berdi.
Tadbirda soʻz olganlar korrupsiyaga barcha fuqarolarimiz, jamiyat birgalikda kurashib, uning ildizlarini yo‘q qilishga kirishsagina ijobiy natijaga erishish mumkin ekanligini ta’kidlashdi.
Bank Axborot xizmati
Yana ko‘ring
MKBANK: Zo‘ravonlikka yo‘l yo‘q!
Tadbirda xotin-qizlarni har qanday zo‘ravonlikdan, xususan, raqamli makondagi tahdidlardan himoya qilish muhim ekanligi ta’kidlandi.
Bayramda ish tartibimiz!
Dam olish kunlarida "MAVRID" ilovasidan 24/7 rejimda masofadan turib foydalanishingiz va barcha to‘lovlarni amalga oshirishingiz mumkin!
