Yaqinda "Bankir kundaligi" telegram kanalida Mikrokreditbankning Surxondaryo viloyat Jarqo‘rg‘on filiali xodimining shikoyatli murojaati e’lon qilindi. Unda filialda mehnat qonunchiligiga amal qilinmayotganligi, ish vaqtidan tashqari doimiy yig‘ilishlar o‘tkazilishi bayon qilingan.
Mazkur shikoyat bo‘yicha zudlik bilan o‘rganish ishlari olib borildi.
Buning uchun xodimlarning barchasi bilan suhbat o‘tkazilganda, ular odatdagi ish tartibi bo‘yicha dushanbadan jumagacha ishlashi, shanba va yakshanba kunlari qonunchilik bo‘yicha hech bir xodim qo‘shimcha ishlarga jalb qilinmasligini bayon qilishdi.
Murojaatda aytilganidek, bank xodimlarining shanba va yakshanba kunlari ishga jalb qilinganligi holati o‘z isbotini topmadi hamda mehnat qonunchiligi buzilmaganligi aniqlandi.
Bank Axborot xizmati
Yana ko‘ring
MKBANK tizimida texnik ishlar olib borilmoqda!
Xalqaro o'tkazmalar uchun bankka kelish shart emas!
