Mikrokreditbankda dam olish kunlari xizmatlar kengaytirilmoqda

Mikrokreditbankda dam olish kunlari xizmatlar kengaytirilmoqda

PF-246-son Farmon doirasida “Mikrokreditbank” ATBga jami 51 ta xususiy notarius biriktirilgan. Mazkur notariuslarning 27 tasi shanba, 10 tasi esa yakshanba kunlari ham faoliyat yuritishini bildirgan.

Bank tomonidan dam olish kunlari ishlovchi xususiy notariuslarga biriktirilgan bank bo‘linmalarida mijozlarga sifatli xizmat ko‘rsatish uchun barcha zarur shart-sharoitlar to‘liq ta’minlanmoqda.

Ayni paytda “Mikrokreditbank” ATB tizimida jami 806 ta bankomat faoliyat yuritmoqda. Shundan 151 tasi “Cash in – Cash out” tizimiga ega bo‘lib, mijozlarga bank kartalariga naqd pul mablag‘larini bankomatlar orqali kiritish imkonini beradi.

Shuningdek, 2026-yil davomida bank tomonidan mijozlarga foydalanish uchun 2 000 dona Uzcard to‘lov tizimida ishlovchi PAX A930 rusumli hamda 1 000 dona HUMO to‘lov tizimida ishlovchi Sunmi P3 rusumli savdo terminallari topshirildi.

Yangi tartibga muvofiq, ko‘chmas mulk va avtotransport vositalarining oldi-sotdi jarayonlari banklar tomonidan ochiladigan eskrou hisobvaraqlari orqali amalga oshiriladi. Ushbu xizmatlar bo‘yicha banklar tomonidan belgilangan tartibda xizmat haqlari undiriladi.

Bank Axborot xizmati