“Mikrokreditbank” ATB Xalqaro tiklanish va taraqqiyot banki (XTTB) ning qo‘shimcha 10.0 mln. dollar miqdoridagi mablag‘larini jalb qildi.
O‘zbekiston Respublikasi Prezidentining 2022-yil 13-iyuldagi PQ-317-sonli qaroriga asosan Iqtisodiyot va moliya vazirligi, Kambag‘allikni qisqartirish va bandlik vazirligi huzuridagi Mahallabay ishlash va tadbirkorlikni rivojlantirish agentligi hamda “Mikrokreditbank” ATB o‘rtasida Xalqaro tiklanish va taraqqiyot banki (XTTB) ishtirokida "Qishloq tadbirkorligini rivojlantirish - 2 faza" loyihasi (Loyiha) doirasida 10.0 mln. dollar miqdoridagi kredit liniya mablag‘larni jalb qilish bo‘yicha Qayta kreditlash bitimi imzolangan edi.
Joriy yilning 13-noyabrida Loyiha mazkur qayta kreditlash bitimiga 1-sonli qo‘shimcha bitim imzolanib, kredit liniya miqdori 20.0 mln. dollarga oshirilishiga erishildi.
Mazkur mablag‘lar loyiha doirasida:
- Respublikaning qishloq hududlarida ishlab chiqarish va хizmat koʻrsatishni rivojlantirish;
- yangi korхonalarni tashkil etish yoki mavjud korхonalar salohiyatini kengaytirish;
- kichik biznes sub’yektlari uchun moliyaviy va nomoliyaviy хizmatlardan foydalanish imkoniyatlarini yaхshilash;
- qishloqdagi yoshlar va ayollarni biznesga keng jalb qilish maqsadida sub-loyihalarni moliyalashtirish uchun ishlatilishi rejalashtirilgan.
Bank Axborot xizmati
Yana ko‘ring
Bayram kunlaridagi ish tartibi!
