Bugun MKBANKda Respublika qon quyish markazi bilan hamkorlikda insoniylik, mehr-oqibat va yuksak qadriyatlarni mustahkamlovchi ezgu tashabbus – “Birga hayotni saqlaymiz” milliy donorlik aksiyasi boʻlib oʻtdi.
Unda 100 ga yaqin xodimlar ixtiyoriy ravishda ishtirok etib, qon topshirdi hamda bemorlar uchun zarur qon zaxirasini jamgʻarishga hissa qoʻshishdi.
- Bugungi xayriya aksiyasi orqali ezgu ishlarga oz boʻlsa-da oʻz hissamni qoʻshayotganimdan xursandman. Ushbu aksiya jamoamizda birdamlik va ijtimoiy masʻuliyat hissini yanada kuchaytirdi, - deydi Budjet kontrolling va iqtisodiy tahlil departamenti yetakchi menejeri Oybek Xudoyberdiyev.
Oʻylaymizki, topshirilgan donorlik qonlari turli kasalliklar yoki baxtsiz hodisalar tufayli qonga muhtoj boʻlgan insonlar hayotini saqlab qolishga xizmat qiladi.
Jamoamiz topshirgan har bir tomchi qon boshqa bir inson uchun umid, hayot va najot manbai boʻlishiga ishonadi.
MKBANK xayrli ishda chetda turmay donorlik qilgan xodimlariga oʻz minnatdorchiligini bildiradi.
Bank Axborot xizmati
Yana ko‘ring
Brifing: 2025- yilda amalga oshirilgan ishlar va 2026- yilgi rejalar xususida
MKBANkning Xorazm viloyat hududiy boshqarmasi Markaziy bank tomonidan taqdirlandi
Ushbu yutuq va e’tirof jamoamizning masʼuliyatli hamda samarali mehnatining yaqqol ifodasidir.
