Davlatimiz rahbari tashabusi bilan jamiyatimiz korruptsiya illatiga qarshi keskin kurash amalga oshirilib kelinmoqda. Jumladan, Prezidentimizning 2021-yil 6-iyuldagi “Korrupsiyaga qarshi kurashish faoliyatini samarali tashkil etishga doir qoʼshimcha chora-tadbirlar toʼgʼrisida”gi qaroriga muvofiq, barcha davlat organlari va tashkilotlarida korrupsiya holatlarining yuzaga kelishiga sabab va shart-sharoitlarini aniqlash, ularni bartaraf etishning va fuqarolarimizda korrupsiyaga qarshi Huquqiy ongni shakllantirishni yangicha mexanizmi yaratildi.
Mikrokreditbank rahbariyati tomonidan ham korrupsiyaga qarshi murosasiz faoliyatni shakllantirishga qaratilgan bir qator chora-tadbirlar amalga oshirilib kelinmoqda.
Shu maqsadda, xalqaro standartlar asosida ishlaydigan anti-korrupsion tizim joriy qilinib, ushbu yoʼnalishdagi ishlar izchil takomillashtirilmoqda. Xususan, xorijiy ekspertlar bilan hamkorlikda Bankning korruptsiyaga qarshi kurashish Siyosatini ISO 37001:2016 “Korrupsiyaga qarshi menejment tizimlari – foydalanish uchun talablar va tavsiyalar” xalqaro standarti talablariga muvofiqlashtirish maqsadida bankning ichki va tashqi korrupsiya xavf-xatarlari baholanib, korrupsiya xavfi yuqori boʼlgan biznes jarayonlar belgilab olindi va korrupsiya eng koʼp duch kelishi mumkin boʼlgan lavozimlar roʼyxati tasdiqlandi.
Xodimlarda korrupsiyaga qarshi kurashish malakasini oshirish doirasida “CERT Academy” xalqaro trening kompaniyasi bilan hamkorlikda bank xodimlarini ISO 37001:2016 standarti talablarini oʼqitish ishlari tashkil etildi.
Natijada, bugungi kungacha 20dan ortiq top-menejerlar xalqaro tan olingan sertifikatini qoʼlga kiritdi, yil oxirigacha ularning sonini 100 tagacha yetkazish rejalashtirilgan. Oʼquv mashgʼulotlari davomida xodimlar milliy va xalqaro qonunchilik talablari toʼgʼrisida batafsil maʼlumot olishdi va kelajakda korrupsiyaga qarshi standartlarni oʼz faoliyatiga tadbiq etish koʼnikmalariga ega boʼlishdi.
Xodimlarning oʼqitilishi bankning ISO 37001:2016 xalqaro standarti sertifikatini olish yoʼlidagi muhim qadamlardan biri boʼlib, bank tizmida korrupsiyaning barcha koʼrinishlariga murosasiz munosabat shakllantirishda va bank faoliyatini barqarorlashtirishda muhim rol oʼynaydi.
Mikrokreditbank tizimida korrupsiyaga qarshi kurashish yoʼnalishida yana bir eʼtiborga molik ishlardan biri, mijozlarga xizmat koʼrsatishda ochiqlik va shaffoflikni taʼminlash, bu borada jamoatchilik bilan samarali aloqani yoʼlga qoʼyish maqsadida “Komplaens ishonch liniyasi” ishga tushirilgan.
Ushbu aloqa liniyalari orqali murojaatlar 24/7 rejimida fuqarolar xohishiga koʼra shaxsni oshkor qilgan holda yoki anonim tarzda avtomatik ravishda qabul qilinmoqda.
Bank Axborot xizmati
Yana ko‘ring
E’lon!
Diqqat! MKBANK tizimida texnik ishlar olib borilmoqda!
Korrupsiyasiz bank: MKBANKda navbatdagi o‘quv seminari tashkil etildi
Seminar davomida xodimlar o‘zlarini qiziqtirgan savollarga javob olish bilan birga, bu illatga birgalikda kurashish lozimligini bildirishdi.
