Namangan viloyatida “Mikrokreditbank” ATB tomonidan “Rahbar va yoshlar” uchrashuvi bo‘lib o‘tdi.
Unda “Mikrokreditbank” ATB Boshqaruv raisi o‘rinbosari I.Mamadjanov, hokimlik vakillari va 200 nafardan ortiq yoshlar ishtirok etdi.
Bu uchrashuv oddiy muloqot emas, balki yoshlar ovozini tinglash, ularning qalbidagi orzularini, hayotiy rejalarini eshitish va ertangi kunini birgalikda tasavvur qilish maydoniga aylandi.
Yoshlar o‘z g‘oyalari, startap tashabbuslari va rejalarini ishonch bilan taqdim etishdi. Har bir fikr – ertangi kun uchun yo‘l xaritasi, har bir taklif – yangi imkoniyat eshigi sifatida qabul qilindi.
Uchrashuv davomida 50dan ortiq yoshlarning takliflari eshitildi va 11 nafar yoshning g‘oyalari joyida hal etildi. Shuningdek, tadbir davomida bank mahsulotlari va xizmatlari haqida ham taqdimotlar ko‘rsatilib, bank kreditlaridan foydalanish imkoniyatlari tushuntirildi. Tadbir davomida yoshlar uchun interaktiv savol-javoblar ham o‘tkazildi.
Shu bilan birga, uchrashuvda Prezidentimizning PQ-60-sonli qarori mazmun-mohiyati haqida ham batafsil tushuntirish berildi. Qaror yoshlar hayotida yangi sahifa ochadigan, ularga bilim, moliyaviy qo‘llab-quvvatlash va tashabbuslarini kengaytirish imkonini beradigan huquqiy poydevor sifatida taqdim etildi.
Tadbirda yana bir masala — korrupsiya qarshi birgalikda kurashishga ham alohida urg‘u berildi.
Korrupsiya butun insoniyatga, barcha jamiyatlar asosiga, iqtisodiy taraqqiyotga zarba beradigan, qonun ustuvorligini buzadigan va xalqning davlat siyosatiga ishonchini keskin susaytiradigan, demokratik institutlar rivojiga to‘sqinlik qiladigan xatarli tahdiddir.
Keyingi yillarda mamlakatimizda amalga oshirilayotgan tub islohotlar markazida inson huquq va manfaatlarini himoya qilish, binobarin, korrupsiyaga qarshi izchil kurash davlat siyosatining ustuvor yo‘nalishlaridan biriga aylangani sababi ham shunda.
"Korrupsiyaga qarshi kurashish bo‘yicha davlat siyosatini amalga oshirish uchun eng muhim vazifalardan biri bu, jamiyat ongini tubdan o‘zgartirish, jamiyatda korrupsiyaga nisbatan murosasiz munosabatda bo‘lish muhitini shakllantirishdir. Bu muammoni hal qilish uchun, birinchi navbatda, aholining huquqiy madaniyatini tizimli ravishda oshirib borish, bunda yoshlarning roli muhim", deya ta’kidladi Boshqaruv raisi o‘rinbosari I.Mamadjanov.
Bugun har bir yosh qalbida halollik va korrupsion holatlarga murorasizlik davr talabi ekanligi misollar bilan tushuntirildi.
Bankda korrupsiya holatlari va noqonuniy harakatlar haqida xabar berish uchun aloqa kanallarimiz mavjudligi yana bir eslatib o‘tildi.
Tadbir yakunida korrupsiyaga qarshi kurashda barchamiz birlashsak, yangi O‘zbekistonda korrupsiyasiz jamiyat paydo bo‘lishi, bu yoʻlda MKBANK ochiqlik va halollikni taʻminlash, jamiyat ishonchi va davlat siyosatini mustahkamlashda doim faol ishtirok etishi alohida ta’kidlandi.
Bu kabi uchrashuvlar yoshlarga ishonch beradi, ularning orzu va g‘oyalarini reallikka aylantirish uchun zarur kuch-quvvat bag‘ishlaydi. Axir yoshlarni eshitish – kelajakni eshitishdir!
Yana ko‘ring
“Cybercup 2025” — MKBANKda kibersport musobaqasi yakuniga yetdi!
Tadbirkorlar bilan uchrashuvlar davom etmoqda
Shuningdek, tumandagi tadbirkorlar faoliyatini rivojlantirish, ko'proq ish o'rinlari yaratish, yangi loyihalar uchun kreditlar ajratilishi va imtiyozli kreditlardan samarali foydalanish masalalari ham muhokama qilindi.
Qashqadaryoda “Rahbar va yoshlar” uchrashuvi samimiy suhbatga aylandi
Tadbir davomida 20 ga yaqin muammo va takliflar eshitildi, ulardan 10 tasi ayni jarayonning o‘zida hal etildi.
