Bugun hududlarda tadbirkorlar va aholi bilan o‘tkazilayotgan uchrashuvlar O‘zbekistonda tadbirkorlikni rivojlantirishga hamda aholi bandligini taʼminlab, ularni daromadli qilishga qaratilayotgan e’tiborning yana bir yorqin dalilidir.
Ayni shu maqsadda, 21-oktabr kuni Andijon viloyatining Paxtaobod tumanidagi Uyg‘ur mahallasida “Mikrokreditbank” ATB Boshqaruv raisi o‘rinbosari Umrbek Jumaniyazov boshchiligida aholi va tadbirkorlar bilan navbatdagi uchrashuv o‘tkazildi.
Uchrashuvda 30 dan ortiq fuqarolar qatnashib, 15 dan ortiq murojaatlar eshitildi va qisqa muddatda bajarish bo‘yicha mas’ullarga topshiriqlar berildi.
Shu kuni yana viloyatning Marhamat tumanida Altepa mahallasida ham aholi va tadbirkorlar uchun uchrashuv bo‘lib o‘tdi. Uchrashuvda 30 dan ortiq fuqarolar qatnashib, 10 dan ortiq murojaatlar tinglandi.
Shundan so‘ng “Mikrokreditbank” ATB Boshqaruv raisi o‘rinbosari Umrbek Jumaniyazov Toshyo‘li va Mirishkor mahallalaridagi mikro loyihalar, amalga oshirilgan ishlar va aholi muammolarini o‘rgandi.
Mamlakatimizda tadbirkorlikni qo‘llab-quvvatlash, kichik biznes va xususiy sektorni rivojlantirish orqali aholi bandligini ta’minlash va turmush darajasini oshirish davlat siyosatining ustuvor yo‘nalishlaridan biri hisoblanadi. Ana shu islohotlarda Mikrokreditbank tadbirkorlikni har tomonlama rag‘batlantirish, mavjud muammolarni joyida hal etish, yangi imkoniyatlar yaratishda doim xizmatga shay, desak adashmaymiz.
Bank Axborot xizmati
Yana ko‘ring
Yangi yil bayramida ish tartibimiz!
Dam olish kunlarida "MAVRID" ilovasidan 24/7 rejimda masofadan turib foydalanishingiz mumkin!
"Yilning eng yaxshi yordamchi agenti" aniqlandi
Korrupsiya va poraxoʻrlik oʻrtasidagi farqni bilasizmi?
Poraxoʻrlik esa korrupsiyaning eng keng tarqalgan va aniq koʻrinishi boʻlib, pora olish yoki berishga asoslanadi.
