"Mikrokreditbank" ATB xalqaro hamkorlikni faol kengaytirish maqsadida, Tashqi iqtisodiy faoliyatni rivojlantirish strategiyasi doirasida AQSH dollarida dunyodagi eng yirik moliya institutlaridan biri - The Bank of New York Mellon (BNY Mellon) bilan korrespondentlik aloqalarini o‘rnatdi.
The Bank of New York Mellon 1784-yilda tashkil etilgan bo‘lib, aktivlarni boshqarish, moliyaviy xizmatlar va qimmatli qog‘ozlar bilan operatsiyalarga ixtisoslashgan dunyodagi yetakchi banklardan biridir.
Ushbu hamkorlik "Mikrokreditbank" ATBga xalqaro hisob-kitoblar ko‘lamini kengaytirish, mijozlarga xizmat ko‘rsatish sifatini oshirish va transchegaraviy to‘lovlarni AQSH dollarida to‘lashni soddalashtirish, shuningdek, g‘aznachilik operatsiyalarini (masalan, overnight deposit) amalga oshirish imkoniyatini beradi.
The Bank of New York Mellon bilan hamkorlik Mikrokreditbankning mijozlar uchun yuqori darajadagi ishonchliligini va bank xizmatlari sohasidagi xalqaro standartlarga muvofiqligini tasdiqlaydi. Ushbu qadam, shuningdek, bankning xalqaro moliya bozoridagi mavqeini mustahkamlash va dunyoning eng yirik moliya institutlari bilan hamkorlik aloqalarini rivojlantirishga xizmat qiladi.
MKBANK o‘z mijozlari uchun yangi hamkorlarni jalb qilish va ish sharoitlarini yaxshilash orqali xalqaro hamkorlikni yanada rivojlantirish niyatida.
Bank Axborot xizmati
Yana ko‘ring
Yangi yil bayramida ish tartibimiz!
Dam olish kunlarida "MAVRID" ilovasidan 24/7 rejimda masofadan turib foydalanishingiz mumkin!
"Yilning eng yaxshi yordamchi agenti" aniqlandi
Korrupsiya va poraxoʻrlik oʻrtasidagi farqni bilasizmi?
Poraxoʻrlik esa korrupsiyaning eng keng tarqalgan va aniq koʻrinishi boʻlib, pora olish yoki berishga asoslanadi.
