“Mikrokreditbank” aksiyadorlik-tijorat banki aksiyadorlarining DIQQATIGA!
HURMATLI AKSIYADORLAR!
“Mikrokreditbank” aksiyadorlik-tijorat banki Kuzatuv kengashi Aksiyadorlarning navbatdagi yillik umumiy yigʻilishi 2025-yil 27-iyun kuni, soat 10:00 dan boshlab, Toshkent shahri, Amir Temur shox koʻchasi, 4-uy manzilida joylashgan “Mikrokreditbank” ATB majlislar zalida oʻtkazilishini ma’lum qiladi.
Yigʻilish kun tartibi:
1. “Mikrokreditbank” aksiyadorlik-tijorat bankining sanoq komissiyasi tarkibini tasdiqlash.
2. “Mikrokreditbank” aksiyadorlik-tijorat bankining 2024-yil yakunlari boʻyicha Aksiyadorlarning navbatdagi yillik umumiy yigʻilishi reglamentini tasdiqlash.
3. “Mikrokreditbank” aksiyadorlik-tijorat bankining 2024-yil faoliyati yakunlari boʻyicha Kuzatuv kengashining hisobotini tasdiqlash.
4. “Mikrokreditbank” aksiyadorlik-tijorat banki Boshqaruvining 2024-yil yakunlari boʻyicha va Bankni rivojlantirish strategiyasi toʻgʻrisidagi hisobotini hamda Bankning 2025-yildagi ustuvor vazifalarini tasdiqlash.
5. “Mikrokreditbank” aksiyadorlik-tijorat banki faoliyatining 2024-yil yakunlari boʻyicha yillik hisobotini, jumladan buxgalteriya balansini, foyda va zararlari toʻgʻrisidagi hisobotini hamda auditorlik tashkilotining xulosasini tasdiqlash.
6. “Mikrokreditbank” aksiyadorlik-tijorat banki faoliyatining 2024-yil yakunlari boʻyicha foydasi va (yoki) zararlarini taqsimlash hamda aksiyalari bo‘yicha dividendlar to‘lash.
7. “Mikrokreditbank” aksiyadorlik-tijorat bankining korporativ boshqaruv tizimini baholash yakunlari boʻyicha mustaqil baholovchi tashkilot xulosasini tasdiqlash.
8. “Mikrokreditbank” aksiyadorlik-tijorat banki Boshqaruv raisi va uning oʻrinbosarlari faoliyatining 2024-yil uchun eng muhim samaradorlik koʻrsatkichlarining (KPI) yillik natijalarini ko‘rib chiqish.
9. “Mikrokreditbank” aksiyadorlik-tijorat banki tomonidan “Davlat ishtirokidagi korxonalar uchun korporativ boshqaruv Qoidalari” tavsiyalariga rioya etish majburiyatini qabul qilish.
10. “Mikrokreditbank” aksiyadorlik-tijorat banki e’lon qilingan aksiyalarining eng ko‘p miqdorini belgilash.
11. “Mikrokreditbank” aksiyadorlik-tijorat banki yangi tahrirdagi Ustavini tasdiqlash.
12. “Mikrokreditbank” aksiyadorlik-tijorat bankining yangi tahrirdagi “Aksiyadorlar umumiy yig‘ilishi toʻgʻrisida”, “Kuzatuv kengashi toʻgʻrisida”, “Boshqaruvi toʻgʻrisida”, “Kuzatuv kengashi a’zolariga haq va kompensatsiyalar to‘lash tartibi toʻgʻrisida” Nizomlarini va “Axborot siyosati”ni, shuningdek, “Mikrokreditbank” aksiyadorlik-tijorat banki tizimida qarzdorlik hisobiga mol-mulklarni bank balansiga qabul qilish va ularni realizatsiya qilish hamda hisobini yuritish Tartibi”ni tasdiqlash.
13. “Mikrokreditbank” aksiyadorlik-tijorat bankining kundalik xoʻjalik faoliyatini yuritish jarayonida (joriy xoʻjalik faoliyati bilan bogʻliq) affillangan shaxslar bilan va yirik bitimlarni kelgusida Bank tomonidan mustaqil amalga oshirishi uchun aksiyadorlarning keyingi yillik umumiy yigʻilishigacha boʻlgan davrda tuzilishi mumkin boʻlgan (kutilayotgan) bitimlarni aniqlash va ma’qullash.
“Mikrokreditbank” ATB Kuzatuv kengashining 2025-yil 2-iyundagi majlisi qaroriga asosan, Aksiyadorlarning navbatdagi yillik umumiy yigʻilishida ishtirok etish huquqiga ega boʻlgan aksiyadorlar reyestri 2025-yil 23-iyun kuni holatiga hamda Aksiyadorlarning navbatdagi yillik umumiy yigʻilishi oʻtkazilishi haqida aksiyadorlarga xabar qilish uchun aksiyadorlar reyestri 2025-yil 2-iyun kuni holatiga tuziladi.
Aksiyadorlarni roʻyxatga olish 2025-yil 27-iyun kuni soat 09:00 dan 10:00 gacha davom etadi.
Aksiyadorlar umumiy yigʻilishda shaxsini tasdiqlovchi hujjat va yozma shaklda tuzilgan ishonchnoma asosida qatnashadi, yuridik shaxs nomidan berilgan ishonchnoma qonunchilikda belgilangan tartibda, jismoniy shaxs nomidan berilgan ishonchnoma notarial tasdiqlangan boʻlishi kerak.
Aksiyadorlarning umumiy yigʻilishida videokonferens-aloqa tarzida ishtirok etuvchi aksiyadorlarga bu haqda qoʻshimcha ma’lumot beriladi.
Yigʻilish oʻtkazish boʻyicha qoʻshimcha axborot, unda koʻriladigan masalalarning hujjatlari bilan yuqoridagi manzilga va quyidagi telefon raqamlariga murojaat qilish hamda bankning korporativ veb-sayti (www.mikrokreditbank.uz) orqali tanishish mumkin.
Tel: 998 (71) 202-99-99 (1217, 1218)
Bank Kuzatuv kengashi
