Kuni kecha “Mikrokreditbank” ochiq aksiyadorlik tijrat bankida xodimlarning ma'naviy bilimlarini yuksaltirish maqsadida “Yuksak ma'naviyat – mustahkam oilada shakllanadi” mavzusida davra suhbati bo'lib o'tdi. Tadbirda Respublika Ma'naviyat targ'ibot markazi Toshkent shahar bo'limi xodimi pedagogika fanlari nomzodi A.Akramov o'z ma'ruzasi bilan ishtirok etdi. Ma'ruzachi bugungi globallashuv davrida jahonning turli mintaqalarida demokratiya niqobi ostida asosan ma'naviy tubanlikni targ'ib etuvchi guruhlar va ularning yosh avlod tarbiyasiga ta'siri haqida to'htalar ekan, bu borada hech birimiz beparvo bo'lmasligimiz kerakligini davrning o'zi taqazo etayoganini ta'kidladi.
Notiq o'z so'zida davom etar ekan, bu borada Prezidentimiz Islom Karimovning asarlarida aks etgan Vatanga muhabbat, tarixiy hotira, milliy g'urur, tushunchalarining yosh avlod komolotida nechog'lik muhim ahamiyat kasb etishini ta'kidladi. Darhaqiqat, xalqimizning ming yillar davomida shakllanib kelgan milliy ma'viy qadriyatlar, insoniyat tamadduniga bemisil hissa qo'shgan buyuk allomalarimiz hayot yo'llarining avlodlar uchun barcha zamonda ham ibrat bo'lishi, bu borada oila, mahalla, maktab, umuman keng jamoatchilik har doim birga harakat qilishi lozim.
Zero mamlakatimizning ertangi taraqqiyotini bugungi yoshlarimiz belgilaydi. Tadbirda bank xodimlari ham so'zga chiqib, ayni yo'nalishda tizimda amalga oshirilayotgan chora-tadbirlar hususida to'g'talishdi. Shuningdek, davra suhbatida mavzu yuzasidan yosh xodimlarni qiziqtirgan savollarga atroflicha javoblar berildi.
