Oʼzbek tiliga davlat tili maqomi berilganligining 33 yilligi hamda 21-oktabr — Oʼzbek tili bayrami kuni munosabati bilan bugun MKBANKda maʼrifiy-madaniy tadbir oʼtkazildi.
Tadbirda filologiya fanlari boʼyicha falsafa doktori, Senat bosh maslahatchisi, Yozuvchilar uyushmasi aʼzosi Аzizbek Turdiyev, Oʼzbekistonda xizmat koʼrsatgan madaniyat xodimi, “Shuhrat” medali, “Madaniyat va sanʼat fidokori” koʼkrak nishoni sohibasi, “Saodat” jurnalining Bosh muharriri, shoira Munavvara Usmonova va Oʼzbekistonda xizmat koʼrsatgan madaniyat xodimi, “Shuhrat” medali sohibasi, shoira, “Saodat” jurnalining muharrir oʼrinbosari Qutlibeka Rahimboevalar ishtirok etishdi.
Ular bilan tilimizning bugungi yutuqlari va bu yoʼlda amalga oshirilayotgan ishlar xususida fikr almashildi. Shundan soʼng, bank xodimlari oʼrtasida tashkil etilgan tanlov gʼoliblariga oʼz sovgʼalari topshirildi.
