Yurtimizda kitobxonlik madaniyatini rivojlantirish va qoʻllab-quvvatlashni yangi bosqichga olib chiqish, xalqimizning maʼnaviy-maʼrifiy, badiiy-estetik talablariga javob beradigan kitoblarni yuksak sifat bilan chop etish maqsadi “Mikrokreditbank” ATB hamda “Ijod NASHR” nashriyoti tomonidan “Chigʻanoq” loyihasi ishlab chiqildi.
Loyiha doirasida bugungi oʻzbek sheʼriyati va nasrining koʻzga koʻringan navqiron vakillarining kitoblari bank moliyaviy koʻmagida chop etilishi koʻzda tutilgan. Mazkur loyiha bo‘yicha dastlab 5 nafar muallifning kitoblarini nashr etish hamda talabga qarab davom ettirilishi maqsad qilingan.
Mualliflar Oʻzbekiston Yozuvchilar uyushmasida taʼsis etilgan nufuzli tahrir hayʼati hamda bank Rahbariyati tomonidan tanlandi.
Jamoamiz bilan xalqimizga moliyaviy xizmatlar taklif etish bilan bir qatorda, miliy adabiyotimizning durdona namunalarini vatandoshlarimizga yetkazish, kitobxonlikni keng targʻib etish, yosh ijodkorlarni qoʻllab-quvvatlash maqsadida tashkil etilgan ushbu loyiha doirasidagi ilk asar – Oʻzbekiston Yozuvchilar uyushmasi aʼzosi, shoir va yozuvchi Faxriddin Hayit ijodiga mansub boʻlgan “Osmon yerga yaqin” kitobi bo‘ldi va nashrdan chiqdi.
Oʻzbekiston xalq yozuvchisi Isajon Sulton taʼkidlaganidek: “Bu kitob bir ijodkor koʻz oʻngida kechayotgan hayot haqida”. Biz esa ushbu asarni oʻzbek oʻquvchilariga taqdim etayotganimizdan xursandmiz. Oʻylaymizki, “Chigʻanoq” loyihasi doirasida nashrdan chiqadigan asarlar xalqimizga manzur boʻladi.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
